U Minsku 10-hadovaja dziaŭčynka nieadnarazova skardziłasia ŭ milicyju, što baćki svaracca, prakuratura razabrałasia
Viečaram 25 śniežnia ŭ adnoj z kvater Minska pamiž 36-hadovaj žančynaj i jaje 56-hadovaj maci adbyŭsia kanflikt.
Paviedamlajecca, što padčas svarki žančyna pryčyniła maci psichičnyja pakuty. Ale žančyna admoviłasia pisać zajavu ab pryciahnieńni dački da administracyjnaj adkaznaści, paviedamlaje Hienprakuratura.
Pryčym heta dačka ŭ 2010 hodzie była asudžanaja za zabojstva, a potym nieadnarazova pryciahvałasia da administracyjnaj adkaznaści, a, adpaviedna, jaje dziesiacihadovaja dačka była śviedkaj kanfliktu 25 śniežnia.
Taksama viadoma, što 31-hadovy sužyciel, raniej asudžany za naŭmysnaje pryčynieńnie ciažkaha cialesnaha paškodžańnia, machlarstva, kradziež i rabavańnie, taksama nieadnarazova pryciahvaŭsia da administracyjnaj adkaznaści.
Prakuratura vyśvietliła, što na liniju 102 nieadnarazova pastupali paviedamleńni: «znajomy vybivaje dźviery ŭ kvateru», «sužyciel dački ŭ stanie ałkaholnaha apjanieńnia», «pazvaniła 10-hadovaje dzicia — baćki svaracca, kidajucca ŭ bojku».
Pieraličanyja fakty śviedčyli pra psichičnyja pakuty dziciaci.
U vyniku sud Savieckaha rajona razhledzieŭ spravu i pryciahnuŭ maci dziaŭčynki da adkaznaści pavodle č.2 art. 10.1 u vyhladzie štrafu ŭ dźvie bazavyja vieličyni (84 rubli).
Było pryznana, što 10-hadovaja dziaŭčynka znachodzicca ŭ sacyjalna niebiaśpiečnym stanoviščy. Situacyja ciapier pad kantrolem prakuratury rajona.
Kamientary