Padletak na rovary źbiŭ vaśmihadovuju dziaŭčynku ŭ Babrujsku, jaho baćki vypłaciać 15 tysiač rubloŭ
Zdareńnie adbyłosia ŭ žniŭni minułaha hoda.
Para razam z dačkoj i synam viartalisia dadomu z kramy. U peŭny momant žančyna spyniłasia, kab razharnuć cukierku dla syna, dačka taksama spyniłasia pobač z maci.
U hety čas zzadu ŭ ich bok na rovary ruchaŭsia 14-hadovy padletak. Ubačyŭšy jaho, dziaŭčynka ad niečakanaści zrabiła krok u bok, i ŭ hety momant adbyłosia sutyknieńnie. U vyniku najezdu padletak nanios joj ciažkija cialesnyja paškodžańni, piša BiełTA.
Da siońnia ŭ dziaŭčynki parušany ruchalnyja funkcyi, jana pierasoŭvajecca z dapamohaj invalidnaha vazka. Joj nieabchodny doŭhi reabilitacyjny pieryjad, pry hetym miedycynskija śpiecyjalisty nie dajuć harantyi poŭnaha adnaŭleńnia ruchomaści.
Pastajannaje našeńnie mietaličnaj kanstrukcyi, jakaja fiksuje adłomki kości, vostry bol, parušeńnie ruchomaści, praciahłaje lačeńnie i nastupnaja reabilitacyja vyklikali ŭ paciarpiełaj stan tryvohi i strachu.
U zaviadzieńni kryminalnaj spravy pa č.1 art. 321 Kryminalnaha kodeksa ŭ dačynieńni da padletka, pakolki jon nie dasiahnuŭ uzrostu kryminalnaj adkaznaści, było admoŭlena.
Razam z tym baćki dziaŭčynki prasili spahnać u jaje karyść hrašovuju kampiensacyju maralnaj škody. Zakonnyja pradstaŭniki niepaŭnaletniaha adkazčyka pazoŭ nie pryznali.
Vysłuchaŭšy baki i daśledavaŭšy materyjały spravy, sud paličyli, što pazoŭ padlahaje vykanańniu. Rašeńniem suda Babrujskaha rajona i Babrujska pastanoŭlena spahnać ź niepaŭnaletniaha na karyść paciarpiełaj kampiensacyju maralnaj škody — 15 tysiač rubloŭ
U vypadku adsutnaści ŭ jaho dachodaŭ abo inšaj majomaści, dastatkovych dla kampiensacyi, da dasiahnieńnia im paŭnalećcia, spahnać ukazanuju sumu ź jaho zakonnych pradstaŭnikoŭ u roŭnych dolach — pa 7,5 tys. z kožnaha.
Nie zhadziŭšysia z rašeńniem suda pieršaj instancyi, pradstaŭnik niepaŭnaletniaha (jon ža adkazčyk pa spravie) padaŭ apielacyjnuju skarhu.
Ale sudovaja kalehija pa hramadzianskich spravach Mahiloŭskaha abłasnoha suda pakinuła rašeńnie bieź źmienaŭ, a apielacyjnuju skarhu adkazčyka — biez zadavalnieńnia. Rašeńnie suda ŭstupiła ŭ zakonnuju siłu.
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ23
Kamientary