U Mikaševičach chłopiec prajhraŭ u videahulni i pačaŭ vykidvać z akna treciaha paviercha ŭsio zapar
Małady čałaviek vyrašyŭ aryhinalna vypluchnuć złość praź niaŭdaču ŭ kampjutarnaj hulni — i atrymaŭ kryminalnuju spravu.
U Mikaševičach nieviadomy vykidaŭ z akna treciaha paviercha šmatpaviarchovika rečy i bytavuju techniku. Prachožyja vyklikali milicyju.
Akazałasia, rečy z akna vykidaŭ 28-hadovy mužčyna. Jon sprabavaŭ uciačy ad siłavikoŭ, ale jaho ŭsio roŭna złavili. Jak vyśvietlili milicyjaniery, chłopca ŭžo nieadnarazova sudzili za takuju niastrymanaść, paviedamili ŭ milicyi Bresckaj vobłaści.
Sam małady čałaviek patłumačyŭ, što paciarpieŭ parazu ŭ kampjutarnaj hulni i vyrašyŭ vypluchnuć svaju złość. Jon vykinuŭ z akna drušlak, pras, taziki i nakryŭki, sistemny błok ad kampjutara i manitor, a taksama abahravalnik.
Vykinutyja rečy paškodzili aŭtamabil, jaki stajaŭ pad aknom. Ahulnaja suma škody skłała 700 rubloŭ.
Na chłopca zaviali kryminalnuju spravu pa artykule ab paŭtornym chulihanstvie. Jamu pahražaje da šaści hadoŭ kałonii.
Ciapier čytajuć
Žonka Arcioma, jaki emihravaŭ u Ispaniju ź siamjoj i zastaŭsia tam adzin, adkazała, čamu ŭ Baranavičach lepš, čym u Barsiełonie6
Kamientary