U Hiermanii aryštavali žančynu, jakaja 15 hadoŭ spyniałasia ŭ hatelach i nie apłačvała pražyvańnie
Supracoŭniki adnaho z hatelaŭ u Švierynie źviarnulisia ŭ palicyju: žančyna ź Dziusieldorfa zasialiłasia ŭ ich na niekalki dzion, padčas rehistracyi pavodziła siabie padazrona, śćviardžajučy, što straciła kredytnuju kartku, piša Bild.
Supracoŭniki hatela zapadozryli niešta niadobraje — i nie pamylilisia.
— Pavodle papiarednich danych śledstva, padčas rehistracyi žančyna stvarała ŭražańnie płaciežazdolnaj asoby, a zatym źbirałasia pakinuć hatel, nie apłaciŭšy rachunak prykładna na 500 jeŭra, — paviedamiła pradstaŭnica palicyi.
Palicyja zatrymała padazravanuju prosta ŭ hateli. U toj ža dzień, pa zapycie prakuratury Švieryna, akružny sud vydaŭ ordar na jaje aryšt i pastanaviŭ źmiaścić pad vartu.
U chodzie rasśledavańnia vyśvietliłasia, što žančyna zajmałasia hetym užo 15 hadoŭ. Znoŭ i znoŭ jana zasialałasia ŭ hateli, zastavałasia tam na niekalki načej, a zatym źnikała, nie zapłaciŭšy.
— Nam viadoma bolš za 100 padobnych vypadkaŭ, — zajaviła pradstaŭnica palicyi.
Ciapier čytajuć
Žonka Arcioma, jaki emihravaŭ u Ispaniju ź siamjoj i zastaŭsia tam adzin, adkazała, čamu ŭ Baranavičach lepš, čym u Barsiełonie6
Kamientary