«Ad hetaha mianie ŭžo bambić hadoŭ piać». Biełaruska aburajecca, što niemahčyma ź Minska dajechać da Mazyra — niama kvitkoŭ
Žycharka Mazyra nie moža zrazumieć, čamu nielha puścić stolki transpartu, kolki nieabchodna pasažyram.
Dziaŭčyna ŭ tyktoku raskazała, što nie zmahła kupić kvitok dadomu na 15 sakavika, choć sprabavała zrabić heta jašče 20 lutaha.
«Ad hetaha mianie ŭžo bambić hadoŭ piać. Napramak Minsk—Mazyr abo Mazyr—Minsk — usio narmalna, chłopcy? Mała taho, što padčas majho ŭniviersiteckaha žyćcia čatyry hady nie było naohuł pramoha ciahnika da Mazyra, ale, dziakuj bohu, zaraz puścili novy. A ničoha, što na jaho niemahčyma kupić kvitki? Ja chacieła 15 sakavika źjechać dadomu. Ja zajšła siońnia na BČ i što vy dumajecie? Niama svabodnych miescaŭ», — aburajecca jana.
Dziaŭčyna nie moža zrazumieć, čamu kali takaja zahruzka ciahnikoŭ i tak chutka raskuplajuć kvitki, nie puścić dadatkovy ciahnik?
Jana śćviardžaje, što i z maršrutkami «situacyja nie lepšaja».
«A toje, što ŭ adzin napramak bilet staŭ kaštavać 33 rubli, ja naohuł maŭču, kali ščyra, kali raniej u baradaty 2019 hod ja jeździła za 11», — dadaje jana.
Dziaŭčyna kaža, što takija prablemy nie tolki z hetym kirunkam.
«Ja prosta ščyra nie mahu zrazumieć, čamu nielha puścić pa Biełarusi bolš transpartu, kab ludzi mahli dajechać ź Minska dadomu prosta spakojna. Moža być, ja, viadoma, čahości nie viedaju, ale ja ŭžo nie mahu. Heta mianie ŭžo pryvodzić u šalenstva, bambić kankretna», — kaža jana.
-
Pajezdka ŭ aeraport — ad 90 da 150 rubloŭ. Biełaruski kankurent «Jandeks-taksi» ahučyŭ taryfy
-
Žonka biełarusa, jaki emihravaŭ u Ispaniju ź siamjoj i zastaŭsia tam adzin, raskazała, čamu ŭ Baranavičach lepš, čym u Barsiełonie
-
Biełaruskija turysty pryjechali na mora ŭ AAE, ale miascovyja plažy akazalisia ŭ mazucie
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ23
Kamientary