Viarchoŭny sud ZŠA admoviŭ Trampu ŭ prośbie pakinuć zamarožanymi srodki na zamiežnuju dapamohu
Viarchoŭny sud ZŠA nievialikaj pieravahaj hałasoŭ adchiliŭ chadajnictva administracyi Trampa ab tym, kab miljardy srodkaŭ na zamiežnuju dapamohu, uzhodnienyja Kanhresam, zastalisia zamarožanymi. Pra heta paviedamlaje CNN.
5 sakavika Viarchoŭny sud 5 hałasami suprać 4 adchiliŭ prośbu administracyi prezidenta ZŠA Donalda Trampa pakinuć zamarožanymi miljardy dalaraŭ, vydzielenyja na źniešniuju dapamohu.
Praŭda, sud nie paznačyŭ, kali hetyja srodki pavinny być razbłakavanyja, a tamu Bieły dom moža praciahnuć razhlad spravy ŭ sudach nižejšaj instancyi.
U centry pazovu — biudžet Ahienctva ZŠA pa mižnarodnym raźvićci (USAID), srodki jakoha Donald Tramp zamaroziŭ u studzieni 2025 hoda z namierami skaracić vydatki i pieraaryjentavać ahienstva na svoj paradak dnia.
Niekalki niaŭradavych arhanizacyj padali pazoŭ, nastojvajučy na tym, što takija dziejańni administracyi ŭzurpujuć paŭnamoctvy Kanhresa pa kantroli nad vydatkami i źjaŭlajucca parušeńniem fiederalnaha zakanadaŭstva.
Z materyjałaŭ spravy raniej stała viadoma, što administracyja Trampa choča skasavać kala 90% uzhodnienych hrantaŭ USAID na zamiežnuju dapamohu.
7 lutaha Tramp zajaviŭ, što ŭ ahienctvie ZŠA ŭ mižnarodnym raźvićci «karupcyja dasiahnuła niečuvanaha ŭzroŭniu», a tamu jaho nieabchodna likvidavać.
ZŠA spyniajuć finansavańnie tysiač prahram pa baraćbie z polijamijelitam, VIČ-infiekcyjaj, malaryjaj i niedajadańniem
Kitaj pačaŭ prapanoŭvać krainam svajo finansavańnie zamiest USAID
Dziaržsakratar Rubia: ZŠA praciahnuć akazvać dapamohu inšym krainam, adnak sistema patrabuje rearhanizacyi
Administracyja Trampa skaračaje štat USAID u 30 razoŭ
Dziaržsakratar ZŠA Marka Rubia abjaviŭ siabie vykanaŭcam abaviazkaŭ dyrektara USAID
«Nieviadoma, kali my atrymajem nastupny zarobak». Jak prypynieńnie padtrymki ad ZŠA paŭpłyvała na biełaruskija ŚMI i NDA
Ciapier čytajuć
Što zdaryłasia ź Mikitam Miełkazioravym, jaki raptoŭna pamior nočču?31
Kamientary