Siamja ź piaci čałaviek ledź nie zahinuła na pažary ŭ Kapylskim rajonie: maci i siamihadovy syn u reanimacyi
Pažar zdaryŭsia ranicaj u niadzielu ŭ vioscy Vialikaja Rajoŭka, paviedamlaje MNS.
U słužbu vyratavańnia 9 sakavika ŭ 6:10 pastupiła infarmacyja pra pažar u žyłym domie ŭ vioscy. Padraździaleńni MNS, što prybyli na miesca, pabačyli, što dom haryć adkrytym połymiem.
Haspadar doma znachodziŭsia ŭ dvary. Jon paviedamiŭ, što ŭsie členy siamji paśpieli pakinuć pałajučaje pamiaškańnie i znachodziacca ŭ susiedziaŭ.
Na momant uźniknieńnia pažaru ŭsia siamja spała ŭ adnym pakoi.
Haspadar doma pračnuŭsia ad tresku, adkryŭ dźviery ŭ kuchniu i ŭbačyŭ ahoń. Jon nieadkładna pačaŭ budzić siamju i vyvodzić jaje z doma, adziny vychad ź jakoha prachodziŭ praz achoplenuju połymiem kuchniu.
Pry samastojnym vychadzie z pałajučaha doma ŭsie členy siamji atrymali traŭmy: 44-hadovy haspadar doma — apioki 8% cieła, jon špitalizavany. 43-hadovaja žonka — — apioki 70% cieła, znachodzicca ŭ reanimacyi balnicy chutkaj dapamohi. Stan nadzvyčaj ciažki. Siamihadovy syn — apioki 80% cieła i inhalacyjnaja traŭma, špitalizavany ŭ reanimacyju. Stan krytyčny. 10-hadovaja dačka — apioki 1,5% cieła, dzieviacihadovy syn — atručeńnie praduktami hareńnia.
Stan dvuch małodšych dziaciej aceńvajecca jak zdavalniajučy.
Pryčyna pažaru vyśviatlajecca.
Kamientary