Inflacyja ŭ lutym skłała 1,3 pracenta, a pa vynikach lutaha hadavaja inflacyja ŭ Biełarusi — 5,6%. Heta vynikaje sa źviestak Biełstata. Miesiacam raniej hadavaja inflacyja była nižej — 5,2%.
Da studzienia 2025-ha ceny ŭ lutym vyraśli na 1,3%, a śniežnia 2024-ha — na 2%.
Za hod bolš za ŭsio padaraželi pradukty — na 6,7%. U svaju čarhu pasłuhi dadali 6,5%, a niecharčovyja tavary — 3,4%.
Za miesiac karcina inšaja: u canie bolš za ŭsio dadali pasłuhi — plus 3,5%. Pradukty padaraželi na 0,7%, a niecharčovyja tavary — na 0,5%.
U adnosinach da studzienia siarod praduktaŭ bolš za ŭsio padaražeła ryba i morapradukty — na 1%, a taksama alej i tłuščy (0,8%) i małočnyja (0,4%). Harodnina patańnieła na 1,5%, a muka — na 0,9%.
Siarod niecharčovych tavaraŭ za miesiac bolš za ŭsio dadało ŭ košcie adzieńnie — plus 1,1%, samaje vialikaje patańnieńnie zafiksavali dla pralnych mašyn — minus 1%.
Što tyčycca pasłuh, žyllova-kamunalnyja dadali 10,5% (tradycyjnaje pavyšeńnie ŭ lutym), a bytavyja — 1,4%. Pry hetym pasłuhi pavietranaha transpartu stali tańniejšymi na 5,7%.
Kamientary