«My ž braty». Daviedalisia, navošta dla škoł Mahiloŭskaha rajona zakupili rasijskija ściahi
Usiaho nabyli 40 rasijskich ściahoŭ, pa dva na kožnuju škołu ŭ rajonie. Kažuć, što ich vystaŭlali ŭ faje navat padčas biełaruskich prezidenckich vybaraŭ.
U śniežni 2024 hoda ŭ škoły Mahiloŭskaha rajona centralizavana zakuplali atrybutyku — čyrvona-zialonyja aficyjnyja ściahi, ściahi Mahiloŭskaha rajona, a taksama… rasijskija trykałory. Na heta źviarnuŭ uvahu telehram-kanał «Vitiebsk, ja hulaju».
Jak vynikaje z apisańnia, čynoŭniki chacieli vyviešvać na vulicy biełaruskija dziaržaŭnyja ściahi i ściahi Mahiloŭskaha rajona (tamu zamaŭlali mietaličnyja dreŭki). A voś u faje škoł źbiralisia vystaŭlać dziaržaŭnyja ściahi Biełarusi i Rasii (dla ich dastatkova draŭlanych dreŭkaŭ).
Rasijskaja atrybutyka kaštavała biudžetu 6247 rubloŭ.
Žurnalistka «Našaj Nivy» pad vyhladam zaniepakojenaj hramadzianki patelefanavała ŭ Centr pa zabieśpiačeńni dziejnaści biudžetnych arhanizacyj Mahiloŭskaha rajona, jaki i zakuplaŭ atrybutyku.
«Ściahi ŭ nas zakuplalisia pierad vybarami: i biełaruskija, i rasijskija. Jak heta «navošta rasijskija»? My ž braty.
— patłumačyli ŭ centry. — Kali ŭ škole byŭ vybarčy ŭčastak, u toj čas i vystaŭlalisia ściahi. U nas, jak pravilna vam skazać… Rasija i Biełaruś — heta ž dva adzinstvy. Usio heta musić być. Jašče ž 2 krasavika budzie Dzień jadnańnia narodaŭ Biełarusi i Rasii. Heta prosta, kab było ŭ najaŭnaści, kab potym nidzie nie biehali, nie mitusilisia, nie šukali. Treba budzie — dastanuć i vystaviać».
Kamientary