U Słuckim rajonnym sudzie razhledzieli kryminalnuju spravu, zaviedzienuju suprać dvuch hramadzian Pakistana. Jany abvinavačvalisia ŭ rabavańni i vymahalnictvie ŭ dačynieńni da hramadzianina Indyi.
U chodzie sudovaha razboru było ŭstanoŭlena, što abvinavačanyja ŭ žniŭni 2024 hoda ŭ adnoj ź viosak Słuckaha rajona ceły tydzień vymahali ad paciarpiełaha 50 tysiač dalaraŭ. Jany bili jaho pałkami i pahražali zabojstvam.
U vyniku złačyncy siłkom adabrali ŭ indyjca hrošy i kaštoŭnaści.
Sud Słuckaha rajona paśla razhladu spravy vynies abvinavaŭčy prysud. Pa sukupnaści złačynstvaŭ na padstavie č. 2 art. 206 i č. 3 art. 208 KK hramadzianam Pakistana pryznačana pakarańnie ŭ vyhladzie pazbaŭleńnia voli terminam na 7 hadoŭ sa štrafam u pamiery 4 200 rubloŭ kožnamu.
Kamientary