Kanstytucyjny sud rekamiendavaŭ pryniać zakon ab štučnym intelekcie
Kanstytucyjny sud Biełarusi rekamiendavaŭ parłamientu pryniać zakon ab štučnym intelekcie, jak adznačana ŭ kanstytucyjnym pasłańni.
«Parłamientam letaś było pryniata 35 zakonaŭ, jakija rehulujuć najbolš važnyja hramadskija adnosiny. U pasłańni źviartajecca ŭvaha zakanadaŭcaŭ na nieabchodnaść realizacyi kankretnych pryncypaŭ i normaŭ u zakanatvorčym pracesie», — zajaviŭ žurnalistam staršynia Kanstytucyjnaha suda Piotr Mikłaševič: piša «Sputnik».
Pavodle jaho słoŭ, Kanstytucyjny sud źviarnuŭ uvahu na aktyŭnaje ŭkaranieńnie ličbavych technałohij.
«Kanstytucyjny sud ličyć, što z ulikam upłyvu technałohij štučnaha intelektu na pracesy sacyjalna-ekanamičnaha raźvićcia nieabchodna pryniać Zakon «Ab technałohijach štučnaha intelektu», — padkreśliŭ Mikłaševič.
Kamientary