Siłavikoŭ z «ekstremisckim minułym» nie buduć absłuhoŭvać u miedustanovach MUS
U MUS pryniali instrukcyju pra toje, jak buduć pazbaŭlać i adnaŭlać prava na biaspłatnaje lačeńnie dla asobnych katehoryj hramadzian u viedamasnych ustanovach zdaroŭja. Pastanova apublikavana siońnia na Nacyjanalnym pravavym partale.
Dakumient datyčyć siemjaŭ supracoŭnikaŭ DFR KDK, Śledčaha kamitetu, orhanaŭ unutranych spraŭ, MUS, MNS, HKSE, jakija majuć prava na biaspłatnaje miedabsłuhoŭvańnie. Taksama pad jaho dziejańnie traplajuć piensijaniery i čalcy ich siemjaŭ, jakija słužyli ŭ nazvanych orhanach.
U instrukcyi prapisana, jak składajucca śpisy hramadzian, jakija majuć prava na absłuhoŭvańnie ŭ viedamasnych ustanovach achovy zdaroŭja. A paśla hetaha infarmacyjny centr MUS budzie praviarać, ci jość u banku danych zapisy pra parušeńni, što moža stać padstavaj dla vyklučeńnia z takoha śpisu. Razhladać hetyja śpisy i prymać pa ich rašeńni budzie admysłovaja kamisija, skład jakoj vyznačać u MUS.
U śpisie administracyjnych pravaparušeńniaŭ, za jakija mohuć pazbavić prava na biaspłatnaje miedabsłuhoŭvańnie, paznačanyja pjanaja jazda, prastytucyja, prapahanda nacysckaj simvoliki. Taksama ŭ jaho trapiŭ šerah «ekstremisckich pravaparušeńniaŭ»: naŭmysnaje błakavańnie transpartnych kamunikacyj, vyrab i raspaŭsiud «ekstremisckaj» infarmacyjnaj pradukcyi, niepadparadkavańnie słužbovaj asobie, abraza słužbovaj asoby, parušeńnie paradku praviadzieńnia masavych mierapryjemstvaŭ.
Kamientary