Takuju sumu za artefakt z historyjaj hatovy addać top-mieniedžar IT-kampanii Gurtam Alaksandr Kuŭšynaŭ.
Praciahvajecca aŭkcyjon pa prodažy hadzińnika Franaka Viačorki. Staŭka ŭźniałasia da 2500 jeŭra.
Nahadajem, u minułym hodzie žurnalisty źviarnuli ŭvahu na darahi hadzińnik daradcy Śviatłany Cichanoŭskaj. Pa słovach Viačorki, hety hadzińnik jamu padaryŭ biznesmien. Takaja madel kaštuje $9200 ŭ novym stanie, ale kolki ludzi hatovyja zapłacić za tuju, što vykarystoŭvałasia niekalki hadoŭ?
Paśla rozhałasu Viačorka vyrašyŭ addać aksesuar na dabračynnaść. Jon abvieściŭ aŭkcyjon u svaim fejsbuku, adznačyŭšy, što addaść hadzińnik tamu čałavieku, chto zrobić najbolšy danat «na dobruju biełaruskuju spravu, dapamohu palitviaźniam, našym vajaram va Ukrainie ci vieteranam».
Pakul što ŭ zmahańni za artefakt pieramahaje top-mieniedžar IT-kampanii Gurtam Alaksandr Kuŭšynaŭ. Jon hatovy pieravieści da dabračynnaść 2500 jeŭra.
Mnohija pamiatajuć Kuŭšynava jak ajcišnika na rovary, jakoha zatrymali ŭ lipieni 2020-ha, kali toj jechaŭ padać skarhu ŭ CVK.
Čytajcie:«My najmajem ludziej i ŭ Mieksicy, i ŭ Brazilii — ale lepšych za biełarusaŭ niama». Hutarka z top-mieniedžaram Gurtam i tym samym ajcišnikam na rovary
Kuŭšynaŭ pierabiŭ prapanovu ajcišnika i byłoha maładafrontaŭca Źmitra Žaleźničenki, jaki prapanavaŭ za hadzińnik Viačorki 2000 jeŭra.
Kamientary