U Polščy žyvie 143 tysiačy biełarusaŭ z aficyjnymi dakumientami na pražyvańnie
Pa danych Upraŭleńnia pa spravach zamiežnikaŭ Polščy na 28 lutaha 2025 hoda, kolkaść hramadzian Biełarusi ź dziejnymi dazvołami na znachodžańnie skłała 143 097 čałaviek, paviedamlaje telehram-kanał «Biełarusy ŭ Polščy».
Dla paraŭnańnia: na kaniec 2023 hoda — amal 119 tysiač hramadzian Biełarusi mieli lehalnyja dakumienty dla pražyvańnia; u žniŭni 2020 hoda takich było 28 tysiač.
Z hetych 143 tysiač časovy dazvoł na žycharstva majuć 88 684, pastajanny — 42 378, dadatkovuju abaronu — 8 699, kartu rezidenta ES — 1 655, status biežanca — 883, časovuju abaronu — 637, inšaje — 161
Pryčyny atrymańnia dazvołaŭ: pa pracy — 62%. pa inšych abstavinach — 17%, dla ŭźjadnańnia siamji — 17%, dla navučańnia — 4%.
Biełarusaŭ u Polščy najbolš žyvie ŭ: Mazavieckim vajavodstvie (Varšava) — 53 000, Padlašskim vajavodstvie (Biełastok) — 15 000, Pamorskim vajavodstvie — 12 000
Ahulnaja kolkaść biełarusaŭ u Polščy aficyjna nie padličvajecca, bo ludzi majuć dakumienty roznych katehoryj.
Pavodle niefarmalnych acenak polskich dziaržaŭnych orhanaŭ, u Polščy moža znachodzicca bolš za 350 000 hramadzian Biełarusi.
Kamientary