Maci adsudziła 25 tysiač rubloŭ za futbolnyja varoty, što ŭpali na syna
Uletku 2023 hoda na 13-hadovaha chłopčyka, jaki adpačyvaŭ u azdaraŭlenčym letniku, zvalilisia žaleznyja futbolnyja varoty. Jon atrymaŭ surjoznyja traŭmy. Jaho maci praz sud damahłasia hrašovaj kampiensacyi.
Zdareńnie adbyłosia ŭ adnym ź letnikaŭ u Babrujskim rajonie. Varoty nie byli zamacavanyja i abrynulisia na chłopčyka, jaki sprabavaŭ padciahnucca na pierakładzinie. U vyniku incydentu dzicia špitalizavali. Jon atrymaŭ adkrytuju čerapna-mazhavuju traŭmu, što pryviało da straty słychu. Akramia taho, u jaho raźvilisia psichičnaje rasstrojstva, słabaść i chutkaja stamlalnaść.
Pavodle vydańnia mogilev.in, sud pryznaŭ vinavatymi ŭ zdareńni dyrektara łahiera i instruktara pa fizkultury. Kožnamu prysudzili try hady abmiežavańnia voli biez nakiravańnia va ŭstanovu adkrytaha typu. Adnačasova sud pastanaviŭ spahnać z adździeła adukacyi Babrujskaha rajvykankama na karyść paciarpiełaha 15 tysiač rubloŭ.
Maci paciarpiełaha padała pazoŭ z patrabavańniem spahnać z azdaraŭlenčaha łahiera ŭ intaresach syna 25 tysiač rubloŭ u jakaści kampiensacyi maralnaj škody. «Pradstaŭnik adkazčyka padčas sudovaha pasiadžeńnia pryznaŭ patrabavańni, adnak adznačyŭ, što zajaŭleny pamier kampiensacyi zavyšany», — havorycca ŭ paviedamleńni Viarchoŭnaha suda.
U vyniku sud staŭ na bok žančyny i pastanaviŭ spahnać na karyść padletka 25 tysiač rubloŭ. Rašeńnie nie abskardžvałasia i ŭstupiła ŭ zakonnuju siłu.
Ciapier čytajuć
«Ja skazaŭ na videa, što mianie nie katujuć — na toj momant heta było praŭdaj. A paśla mianie bili dźvie hadziny». Ukrainski žurnalist dva hady pravioŭ u rasijskim pałonie — voś što jon pieražyŭ1
Kamientary