Parłamient Armienii ŭchvaliŭ zakonaprajekt ab pačatku pracesu dałučeńnia krainy da ES
Na pasiadžeńni 26 sakavika ŭ druhim i kančatkovym čytańni byŭ abmierkavany prajekt zakona «Ab pačatku pracesu dałučeńnia Respubliki Armienija da Jeŭrapiejskaha sajuza».
Jaho pradstaviŭ pradstaŭnik partyi «Respublika» Artak Ziejnalan. Inicyjataram zakonaprajekta vystupiła hramadzianskaja inicyjatyva «Płatforma demakratyčnych sił», jakoj za dva miesiacy ŭdałosia sabrać 60 tysiač podpisaŭ pry nieabchodnych pa zakonie 50 tysiačach. 9 studzienia 2024 hoda zakonaprajekt byŭ uchvaleny ŭradam Armienii, paviedamlaje news.am.
Na dumku parłamienckaj apazicyi, u pryvatnaści frakcyi apazicyjnaha błoka «Armienija», hety zakonaprajekt — nie što inšaje, jak «ździek». «60 tysiač podpisaŭ jany vyrašyli padać jak volu ŭsiaho naroda Armienii. U vyniku pytańnie dajšło da druhoha čytańnia, i raptam Urad vyrašyŭ, što heta nie volevyjaŭleńnie ŭsiaho naroda. Jany vyrašyli hetuju častku abhruntavańnia prybrać», — zajaviŭ z parłamienckaj trybuny deputat ad błoka «Armienija» Hieham Manukian.
Sutnaść kanfliktu ŭ tym, što z preambuły zakonaprajekta «Ab pačatku pracesu dałučeńnia Respubliki Armienija da Jeŭrapiejskaha sajuza» była vyklučanaja farmuloŭka «vykazvajučy adzinuju volu naroda Armienii».
Kamientary