Anarchistu Mikitu Jemialjanavu, asudžanamu na 6 hadoŭ kałonii, dadali jašče adzin hod
Jon mieŭsia vyjści na volu sioleta.
25-hadovamu anarchistu Mikitu Jemialjanavu, jaki adbyvaje pakarańnie ŭ kałonii, dadali jašče adzin hod źniavoleńnia, paviedamlaje telehram-kanał «AČK-Biełaruś».
Novaje abvinavačańnie vyniesiena pa artykule 411 KK — «Złosnaje niepadparadkavańnie patrabavańniam administracyi papraŭčaj ustanovy». Mikita abskardziŭ prysud, i apielacyjny razhlad zapłanavany na krasavik. Pavodle infarmacyi kanała, Jemialjanaŭ mieŭ vyjści na volu ŭžo sioleta.
Mikitu Jemialjanava zatrymali vosieńniu 2019 hoda. U 2020 hodzie jaho asudzili na 7 hadoŭ pazbaŭleńnia voli pavodle niekalkich artykułaŭ: naŭmysnaje paškodžańnie majomaści (art. 218 KK), apahańvańnie budynkaŭ i zbudavańniaŭ (art. 341 KK), a taksama niezakonnyja dziejańni ŭ dačynieńni da zbroi i vybuchovych rečyvaŭ (art. 295 KK).
Paźniej apielacyjny sud skaraciŭ termin da 4 hadoŭ, ale padčas źniavoleńnia jaho dvojčy pieravodzili na turemny režym. Taksama sud dvojčy dadavaŭ jamu pahodu kałonii pavodle ŭsio taho ž artykuła 411 KK za niepadparadkavańnie administracyi.
Kamientary