Pryjorbank apublikavaŭ spravazdačnaść za 2024 hod. Ź jaje Office Life daviedaŭsia, kolki zarabiŭ najbujniejšy pryvatny bank Biełarusi i jak była strukturavanaja ŭhoda pa prodažy mažarytarnaha pakieta akcyj banka.
Za 2024 hod aktyvy Pryjorbanka pavialičylisia na 6,2% — da 8,67 młrd biełaruskich rubloŭ. Ułasny kapitał banka vyras na 30,2% — da 2,13 młrd rubloŭ. Rentabielnaść kapitału skłała 22,8%, a rentabielnaść aktyvaŭ — 5,6%.
Prybytak banka pavialičyŭsia ŭ paŭtara raza — da 484,1 młn rubloŭ na fonie rostu čystych pracentnych dachodaŭ i čystaha dachodu pa apieracyjach z valutaj.
Kolkaść rabotnikaŭ Pryjorbanka za minuły hod vyrasła z 1657 da 1737.
Hałoŭnaj navinoj ad kredytnaj ustanovy ŭ minułym hodzie staŭ vychad aŭstryjskaha Raiffaisen Bank International sa składu akcyjanieraŭ Pryjorbanka. Kamientujučy ździełku, staršynia praŭleńnia RBI Johan Štrobl nazvaŭ heta «važnym krokam u imknieńni źnizić ryzyki prysutnaści va Uschodniaj Jeŭropie».
Jak vynikaje sa śviežaj spravazdačnaści banka, adbyłasia źmiena bienieficyjarnych uładalnikaŭ u asnoŭnaha akcyjaniera Pryjorbanka — aŭstryjskaj kampanii Raiffeisen CIS Region Holding. Małaviadomaja kampanija Soven 1 Holding z AAE nabyła 100% dolu Raiffeisen CIS Region Holding i pierajmienavała jaje ŭ S1 CIS Region Holding. Ciapier mienavita jana vałodaje 87,74% akcyj Pryjorbanka.
Bienieficyjaram Soven 1 Holding źjaŭlajecca hramadzianin AAE. Jaho imia nie nazyvajecca.
-
Italjaniec pierajechaŭ u biełaruskuju viosku i pačaŭ piačy sapraŭdnuju picu na drovach
-
«90 čałaviek vyhnali pad piakučaje sonca i trymali tam try hadziny. Ja paŭtarała tolki adnu malitvu: niachaj im usio vierniecca»
-
Ci chopić sioleta €2000, kab adpačyć na mory? Što adbyvajecca z cenami na letni adpačynak
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary