Ci varta čakać napłyvu ŭ Biełaruś pakistanskich hastarbajtaraŭ?
11 krasavika na pieramovach u Minsku Alaksandra Łukašenki i premjer-ministra Pakistana Šachbaza Šaryfa baki nibyta damovilisia vypracavać miechanizm, pavodle jakoha pracoŭnyja mihranty z Pakistana zmohuć pryjazdžać u Biełaruś. Pry hetym havorka idzie pra vielmi vialikija maštaby — da 150 tysiač čałaviek.
Łukašenka, kamientujučy vyniki pieramoŭ, raskazaŭ, što ŭ Pakistanie jość vialikaja kolkaść ludziej, jakija, maŭlaŭ, mohuć i chočuć pracavać u Biełarusi. Tamu jany z pakistanskim premjeram damovilisia dać im takuju mahčymaść.
«My taksama damovilisia z maim siabram premjer-ministram Pakistana, što ŭ najbližejšy čas buduć nakiravanyja śpiecyjalisty roznych halin. Tych halin, pra jakija my paprosim. I kiraŭnictva Pakistana dapamoža nam padabrać takich ludziej. Chaj heta budzie 100 tysiač, moža być, 120-150 tysiač hetych śpiecyjalistaŭ. My hatovyja pryniać ich u Biełarusi i stvaryć im nieabchodnyja ŭmovy dla pracy».
Palityčny analityk Alaksandr Frydman, adsočvajučy paviedamleńni pra hetuju damoŭlenaść u abiedźviuch krainach, źviarnuŭ uvahu na toje, što «ŭ Pakistanie i Biełarusi pry aśviatleńni pieramoŭ pamiž Alaksandram Łukašenkam i premjeram Šachbazam Šaryfam akcenty rasstaŭlajucca pa-roznamu».
«Tema 100 000 — 150 000 pakistancaŭ, jakija, jak zajaviŭ Łukašenka, pryjeduć pracavać u Biełaruś, padymajecca ŭ aficyjnych paviedamleńniach ź Minska tolki mimachodź. A voś u Pakistanie jaje pradstaŭlajuć ledź nie asnoŭnym dasiahnieńniem Šaryfa ŭ Biełarusi i padkreślivajuć, što ich budzie mienavita 150 000, a adpraŭlenyja buduć kvalifikavanyja, ale maładyja (!) śpiecyjalisty. U Minsku ž, zdajecca, vyrašyli, što miascovuju publiku pakul nie varta rychtavać da prybyćcia maładych pakistancaŭ».
Tamu, što ŭ Pakistanie ŭsprymajuć heta ŭsio surjozna, na dumku Frydmana, niama čaho dzivicca:
«Ekspart hastarbajtaraŭ daŭno źjaŭlajecca važnaj krynicaj dachodaŭ dla miascovaj ekanomiki. Acanić maštab ździełki pamiž Šaryfam i Łukašenkam dazvolić statystyka pracoŭnych mihrantaŭ z Pakistana. Ich prykładna 11 miljonaŭ pa ŭsim śviecie.
I što takoje 150 000? Heta značna mienš, čym u Saudaŭskaj Aravii (bolš za dva miljony), AAE (kala paŭtara miljona) abo ZŠA (bolš 600 000), ale značna bolš, čym, skažam, u Narviehii (kala 45 000). Heta ŭzrovień Hiermanii, dzie, pa roznych acenkach, žyvuć i pracujuć ad 120 000 da 150 000 hramadzian Pakistana».
U toj ža čas analityk nie chavaje ironii:
«U svajoj dyrektyvie «Asnovy ideałohii biełaruskaj dziaržavy» Łukašenka padkreśliŭ, što «mirnaje suisnavańnie pradstaŭnikoŭ usich kanfiesij i etničnych hrup stali najvažniejšymi ŭmovami adzinstva i zhody ŭ sučasnym hramadstvie». Vyrašyŭšy pryniać da 150 000 čałaviek z Pakistana, aficyjny Minsk vyrašyŭ zładzić biełarusam praktyčny ekzamien na «adzinstva i zhodu».
Ciapier čytajuć
Lavončyk: Mielnikava vylecieła ŭ Łondan i, nie zatrymlivajučysia, vylecieła z Łondana — heta 100-pracentna6
Kamientary
Heta zusim nie aznačaje, što ūsie jany kinucca pracavac`(alie buduc` i takija), bo peūnyja buduc` z hrašyma i z svaimi plianami, utvorac` svaje kalonii, panaadčyniajuc` kiebabaū, utvorac` prysutnas`c`, pliacoūku, dlia daliejšaj ekspansii.
Z časam pačnuc` dyktavac`, kab prybrali z krama svininu, z chramaū kryžy, z ploščaū jelki na Rastvo.
Dosvied inšych krainaū, takich, jak Danija, Bieļhija, Niderliandy, Narviehija,.. vam u dapamohu...