Kiraŭnica Łyžnaha sajuza Piatkievič razabrałasia, chto sa spartoŭcaŭ hoły pryjechaŭ
Pieršaja namieśnica kiraŭnika Administracyi Prezidenta Biełarusi Natalla Piatkievič u čas sumiesnaj kalehii Ministerstva sportu i turyzmu i Nacyjanalnaha alimpijskaha kamiteta raskrytykavała niepavarotlivaść i niazładžanaść u rabocie spartyŭnych čynoŭnikaŭ i nacyjanalnych fiederacyj.
Natallu Piatkievič, jakaja taksama ŭznačalvaje Biełaruski łyžny sajuz, ździvili pryznańni lidera nacyjanalnaj kamandy Siarhieja Dalidoviča, jaki rastłumačyŭ niaŭdałaje vystupleńnie na Alimpijadzie ŭ Vankuviery niajakasnaj padrychtoŭkaj łyžaŭ i adsutnaściu nieabchodnaha šmaravidła dla ich.«Pierad pajezdkaj na Alimpijadu treniery i čynoŭniki zapeŭnivali, što ŭsie pažadańni spartsmienaŭ vykanany. Siarhiej Dalidovič i jaho trenier Ivan Listapad u mianie byli tolki pa adnoj prośbie — vypłacić im premijalnyja. Na pytańnie, što jašče nieabchodna zrabić, adkazvali: bolš prablem u nas niama. Zrazumieła, što ni ja, ni niechta inšy nie pavinien zajmacca padboram maziaŭ dla łyžaŭ. Pavinna być adpaviednaja zajaŭka. Ci była jana? Bo Dalidovič u intervju skardziŭsia, što maziaŭ nie było i što naohuł na Alimpijadu jon hoły pryjechaŭ», — źviarnułasia Natalla Piatkievič da dziaržtreniera Mikałaja Mankieviča.
Na što toj adkazaŭ: «Usie mazi, jakija byli nieabchodny dla honki, adrazu ž zakuplalisia prosta ŭ Vankuviery paśla telefonnaha ŭzhadnieńnia sa staršynioj Fiederacyi łyžnych honak Alaksandram Paŭłoŭskim. Što datyčyć skarhaŭ Dalidoviča, to pry niaŭdačach zaŭsiody šukajucca apraŭdańni: maziaŭ brakuje, łyžaŭ brakuje. Dalidovič atrymlivaje dastatkovuju kolkaść łyžaŭ, kab paśpiachova vystupać na spabornictvach luboha ranhu, u tym liku na Alimpijskich hulniach. Heta i pa linii rekłamnaj ekipiroŭki, i ad fiederacyi, i ad Ministerstva sportu. Siarhieju ni ŭ čym nie było admoŭlena».
U takoj situacyi Natalla Piatkievič vykazała ździŭleńnie, što ŭsie kivajuć adzin na adnaho i nielha vyznačyć, chto ž niasie adkaznaść za praliki. «My rychtujem spartsmienaŭ za kałasalnyja biudžetnyja hrošy. Kali pačynajem raźbiracca, to ŭstaje dziaržtrenier i kaža, maŭlaŭ, ja nie maju ŭjaŭleńnia, vinavaty hałoŭny trenier. Toj kivaje na druhoha treniera i havoryć, što jon tvorčaja asoba. A Dalidovič uziaŭ i zachacieŭ pajechać u Mančahorsk napierakor składzienaj prahramie. Pavinien ža być elemientarny paradak, režym „skazana — zroblena“. U nas ža dyscypliny niama, u adroźnieńnie ad tych ža kitajcaŭ.
Niaŭžo ministr vinavaty ŭ tym, što ŭ Dalidoviča ŭźnikli pytańni? Pryčym pytańnie nie ŭ łyžach i nie ŭ mazi. Kali b Dalidovič pieramoh, to ŭžo dzirački dla miedaloŭ byli b hatovy va ŭsich. A ciapier pačynajecca — toj vinavaty, hety. Voś vy śćviardžajecie, što ŭsio zrabili dla paśpiachovaha vystupleńnia. Ale ab hetym možna było b havaryć, kali b spartsmieny vykanali płany. Ale hetaha nie adbyłosia, značyć, sistema nie pracuje!U kańkabiežnaj kamandzie ŭ nas maralnyja prablemy, zbornaja z šaści čałaviek raskałołasia na try hrupki. Taja ža atmaśfiera ŭ kamandzie łyžnych honak. Ludzi, jakija pražyvali na Alimpijadzie ŭ adnym domiku, adzin z adnym navat nie vitalisia. Treba stvaryć narmalnuju sistemu raboty», — skazała Natalla Piatkievič.
Ciapier čytajuć
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ3
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii1212
Kamientary