Aktyvistku arhkamiteta pa stvareńni partyi «Biełaruskaja chryścijanskaja demakratyja» (BCHD) 18‑hadovuju Irynu Hubskuju adličyli ź Mižnarodnaha dziaržaŭnaha ekałahičnaha univiersiteta imia Sacharava.
Pra heta paviedamiŭ sustaršynia arhkamiteta pa stvareńni BCHD Pavieł Sieviaryniec.
Jon nahadaŭ, što 24 sakavika Hubskaja była zarehistravana kandydatam ŭ deputaty Minharsavieta.
Pavodle słoŭ Sieviarynca, Iryna Hubskaja vučyłasia na druhim kursie univiersiteta na fakultecie manitorynhu navakolnaha asiarodździa na biudžetnym adździaleńni. Aficyjnaj pryčynaj vyklučeńnia stali propuski zaniatkaŭ. «Adnak propuski zaniatkaŭ byli ŭ jaje i raniej, ale nikoli dahetul jaje nie prasili tłumačyć ich admysłovymi tłumačalnymi i nie vyklikali z hetaj nahody da rektara. Usie prablemy pačalisia paśla vyłučeńnia jaje kandydatam u deputaty», — adznačyŭ Sieviaryniec.
«Jašče ŭčora jaje baćkam paviedamili, što sprava skončycca strohaj vymovaj, ale 26 sakavika padčas lekcyj jaje vyklikali da rektara i prapanavali aznajomicca ŭ adździele kadraŭ z pastanovaj ab adličeńni, datavanaj 24 sakavika. Jak adznačyła Iryna, studentaŭ sa značna bolšaj kolkaściu propuskaŭ, ale nie datyčnych palityčnaj i hramadskaj dziejnaści, va ŭniviersitecie nie čapajuć», — skazaŭ Sieviaryniec.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym3
Kamientary