Sud u niderłandskim horadzie Breda pastaviŭ kropku ŭ hučnaj spravie ab zabojstvie, jakaja ŭzrušyła biełaruskuju dyjasparu ŭ Jeŭropie, piša Blizko.by.
Jak paviedamlajuć miascovyja ŚMI, trahiedyja adbyłasia 21 kastryčnika 2023 hoda na aŭtastajancy ŭzdoŭž trasy A16, dzie paśla svarki 57-hadovy kiroŭca hruzavika ź Biełarusi śmiarotna paraniŭ nažom svajho 25-hadovaha kalehu.
Śledstva ŭstanaviła, što mužčyny praviali vychadny dzień razam, adnak pad viečar pamiž imi ŭspychnuŭ kanflikt. Videakamiery zafiksavali ich svarku i bojku, paśla čaho kiroŭcy apynulisia ŭ kabinie treciaha svajho kalehi — pažyłoha mužčyny. Mienavita tam starejšy ź ich nanios šeść nažavych ranieńniaŭ małodšamu.
Pakazańni abvinavačanaha byli błytanymi i niepierakanaŭčymi. U toj ža čas sudu byli pradstaŭlenyja važkija dokazy złačynstva, u tym liku DNK zahinułaha na firankach i vopratcy abvinavačanaha.
Akramia čałaviečaj trahiedyi, sprava abiarnułasia i surjoznymi ekanamičnymi stratami: hruzavik, na jakim abvinavačany pracavaŭ da i paśla złačynstva, byŭ kanfiskavany i bolš za paŭtara hoda nie vykarystoŭvaŭsia, pryčyniŭšy škodu kampanii.
U vyniku sud vynies u dačynieni da biełarusa vierdykt: 12 hadoŭ turmy za zabojstva.
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim16
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3434
Kamientary