Kandydatami ŭ deputaty zarehistravanyja 240 pradstaŭnikoŭ apazicyjnych partyj
Pavodle sakratara Centrvybarkama Mikałaja Łazavika, zarehistravana 99 pradstaŭnikoŭ Biełaruskaj partyi levych «Spraviadlivy śviet» sa 126 vyłučanych, 77 — Abjadnanaj hramadzianskaj partyi (94), 33 — Partyi BNF (35), 29 — Biełaruskaj sacyjał‑demakratyčnaj partyi (Hramada) (32), dva — Biełaruskaj sacyjał‑demakratyčnaj Hramady z dvuch vyłučanych.
Akramia taho, kandydatami ŭ deputaty zarehistravana 199 pradstaŭnikoŭ Kamunistyčnaj partyi Biełarusi, 48 — Libieralna‑demakratyčnaj partyi, 15 — Respublikanskaj partyi pracy i spraviadlivaści, siem — Biełaruskaj ahrarnaj partyi, dva — Biełaruskaj sacyjalna‑spartyŭnaj partyi, pa adnym — Respublikanskaj partyi i Biełaruskaj patryjatyčnaj partyi.
Usiaho zarehistravana 513 partyjnych kandydataŭ u deputaty.
Łazavik paviedamiŭ, što sioleta kandydatami ŭ deputaty zarehistravana ŭ try razy bolš pradstaŭnikoŭ palityčnych partyj u paraŭnańni z papiarednimi vybarami ŭ miascovyja saviety.
«Akramia taho, kali na minułych vybarach kandydaty ŭ deputaty pradstaŭlali siem palityčnych partyj, to sioleta — 12», — skazaŭ jon.
Łazavik taksama adznačyŭ, što pracent adsievu partyjnych pretendentaŭ »byŭ vielmi nizki».
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym3
Kamientary