KDK vyjaviŭ parušeńni ŭ finansavaj dziejnaści vajskovaj čaści Franaka Viačorki
Kamitet dziaržkantrolu vyjaviŭ parušeńni pry praviercy finansavaj dziejnaści vajskovaj čaści 48694 u Mazyry.
Jak paviedamili ŭ pres‑słužbie KDK pa Homielskaj vobłaści, vajskovaj čaściu nie zabiaśpiečana vykanańnie zakanadaŭstva pry ažyćciaŭleńni dziaržaŭnych zakupak. Tak, u parušeńnie dziejnaha zakanadaŭstva ŭ 2008 hodzie
nie pravodziłasia ŭstanoŭlenaja pracedura pieramoŭ pry vybary padradnych arhanizacyj na vykanańnie rabot pa najaŭnym ramoncie budynkaŭ kazarmy, a taksama pry nabyćci budaŭničych materyjałaŭ.
U lipieni 2009 hoda pry praviadzieńni zakupki kamplektaŭ detalej na 5,3 młn. rubloŭ kankurentny list byŭ faktyčna aformleny da pastupleńnia ŭ vajskovuju čaść kamiercyjnych prapanoŭ pastaŭščykoŭ. Ustanoŭleny fakty apłaty ŭ 2008 hodzie kredytorskaj zapazyčanaści, jakaja nie ličyłasia pavodle źviestak uliku i spravazdačnaści vajskovaj čaści. Tak, vajskovaj čaściu ŭ kastryčniku—śniežni 2008 hoda apłačana zapazyčanaść na 5,6 młn. rubloŭ, jakaja nie znachodziłasia na ŭliku, za raboty, vykananyja ŭ 2007 hodzie.
Z parušeńniem dziejnaha zakanadaŭstva nabytyja na 4,5 młn. rubloŭ budaŭničyja materyjały na praciahu 2008 hoda byli źniaty z uliku bieź ich faktyčnaha raschodu. Invientaryzacyja hetych materyjalnych srodkaŭ za 2008—2009 hady nie pravodziłasia, słužbovaja asoba, adkaznaja za ich zachoŭvańnie i vykarystańnie, nie pryznačałasia.
Pry źviercy faktyčnaj najaŭnaści i techničnaha stanu budynkaŭ i zbudavańniaŭ, jakija ličacca za vajskovaj čaściu, było ŭstanoŭlena, što budynak składa płoščaj 457 kvadratnych mietraŭ vykarystoŭvajecca nieefiektyŭna:
płošča budynka, jakaja nie vykarystoŭvajecca, składaje 65,2%, budynak abiastočany, padmurak patrabuje ŭmacavańnia.
Pavodle vynikaŭ pravierki Kamitetam dziaržkantrolu pa Homielskaj vobłaści razhladajecca pytańnie ab pryciahnieńni da administracyjnaj adkaznaści vinavatych słužbovych asob.
Vajskovaja čaść 48694 u Mazyry viadoma tym, što ŭ joj prachodzić terminovuju słužbu apazicyjny palityk Franak Viačorka.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym3
Kamientary