Supracoŭnikami KDB Biełarusi zatrymany śledčy centralnaha aparata Departamienta finansavych rasśledavańniaŭ KDK Biełarusi. Praviedzienaja Kamitetam dziaržbiaśpieki apieracyja maje dalokasiažnyja płany.
U Centry infarmacyi i hramadskich suviaziaŭ (CIHS) KDB pakul nie dajuć infarmacyi pa hetaj spravie. Jak skazaŭ načalnik CIHS KDB Alaksandr Antanovič, jašče nie pastupała kamanda kiraŭnictva na toje, kab ahałošvać hety fakt.
Pa źviestkach «Ježiednievnika», kamandy pakul niama, pakolki nie vyrašanaje pytańnie pra ŭžyvańnie da zatrymanaha miery strymańnia.
Jaho zatrymali ŭ minułuju piatnicu, 19 sakavika, ale abvinavačvańnie dahetul nie pradjavili.
Heta pavinna adbycca ŭ najbližejšyja dni, paśla čaho budzie vyrašanaje pytańnie i pra ŭžyvańnie miery strymańnia da zatrymanaha. Zrešty, u DFR KDK užo siońnia nie sumniajucca, što staršynia KDB Vadzim Zajcaŭ skarystajecca svaim pravam i vydaść sankcyju na aryšt.
Tym časam, novaja karupcyjnaja sprava, raspačataja Kamitetam dziaržbiaśpieki, vielmi i vielmi nieadnaznačnaja. KDB z hetaj nahody pa całkam zrazumiełych pryčynach zachoŭvaje maŭčańnie, a ŭ DFR KDK prosta nie vałodajuć dastatkovaj infarmacyjaj pra toje, što zdaryłasia. Dakładna viadomyja tolki imia i proźvišča zatrymanaha i bolš ničoha.
Pahavorvajuć, što ŭziali śledčaha pa padazreńni ŭ atrymańni chabaru, ale nibyta sapraŭdny matyŭ kryjecca ŭ inšym. Tamu, maŭlaŭ, zusim nie vypadkovaja asoba zatrymanaha (u intaresach śledstva my pakul nie budziem nazyvać proźvišča). Havorka idzie pra staŭlenika ciapierašniaha namieśnika dyrektara DFR KDK Viktara Marozava. Hety čałaviek pryjšoŭ u Departamient finansavych rasśledavańniaŭ z Hienieralnaj prakuratury i pryvioŭ saboj čatyroch čałaviek. Pakazalna, što dvaich ź ich u departamiencie faktyčna ŭžo niama. Adnaho zvolnili pa patrabavańni byłoha dyrektara, a druhoha voś ciapier uziała KDB.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym3
Kamientary