U čaćvier łatvijski pamiežnik prymianiŭ ahniastrelnuju zbroju, zrabiŭšy dva papieradžalnyja streły, kab nie dapuścić niezakonnaha pierasiačeńnia dziaržaŭnaj miažy siamiu parušalnikami.
Padčas ahladu navakolla z dapamohaj bieśpiłotnika pamiežniki Krasłaŭskaha kraju na miažy ź Biełaruśsiu zaŭvažyli hrupu asob. Pamiežniki nakiravalisia da hetaj hrupy i na niekalkich movach zahadali spynicca, adnak asoby nie adreahavali i kinulisia naŭcioki.
Paviedamlajecca, što padčas uciokaŭ jany prajaŭlali ahresiju i niepadparadkavańnie, zakidvajučy pamiežnikaŭ draŭlanymi pałkami i kamianiami. Kab zatrymać ich, pamiežniku daviałosia skarystacca słužbovaj ahniastrelnaj zbrojaj i zrabić papieradžalny streł u pavietra.
Paśla hetaha dźvie asoby spynilisia, ale jašče piać praciahvali ŭciakać i zakidvać pamiežnikaŭ. Paśla druhoha papieradžalnaha strełu astatnija taksama spynilisia.
Dla akazańnia padtrymki pamiežnikam byli pryciahnutyja dadatkovyja siły.
Padčas ahladu asob i pravierki stanu zdaroŭja skarhaŭ na samaadčuvańnie nie pastupała, i padčas ahladu prablem sa zdaroŭjem vyjaŭlena nie było.
Kamientary