U jakich haradach Biełarusi budujuć najbolš žytła? Roźnica pamiž uschodam i zachadam uražvaje
Kali za apošnija 10 hadoŭ u Hrodnie i Breście było ŭviedziena ŭ ekspłuatacyju bolš čym pa 2,4 miljona mietraŭ žytła, to ŭ blizkich pa nasielnictvie Viciebsku i Mahilovie — prykładna pa 1,5 miljona mietraŭ.
Minsk
Letaś, pavodle Biełstata, u Minsku ŭviali ŭ ekspłuatacyju 662 tysiačy kvadratnych mietraŭ žytła. Heta adzin z najnižejšych pakazčykaŭ za apošnija 10 hadoŭ. Mienš było tolki ŭ 2019-m — 511 tysiač kvadratnych mietraŭ.
Pikavym staŭ 2014 hod.
U paraŭnańni z 2014 hodam abjom uvodu novaha žytła ŭ ekspłuatacyju ŭ 2024-m źniziŭsia ŭ dva razy — z 0,66 m² da 0,33 m² na adnaho žychara stalicy.
Brest
U Breście letaś zdali 198 tysiač mietraŭ žytła. Ciaham apošnich 10 hadoŭ pikavym byŭ 2015 hod — tady ŭ abłasnym centry ŭviali ŭ ekspłuatacyju 316 tysiač mietraŭ žytła.
Najmienšyja pakazčyki ŭ Breście byli zafiksavanyja ŭ 2021-m — 178 tysiač kvadrataŭ.
Letaś u Breście zdali pa 0,57 kvadrata na adnaho haradžanina.
Viciebsk
U Viciebsku letaś zdali ŭ ekspłuatacyju 150 tysiač kvadratnych mietraŭ žytła. Heta pa 0,42 kvadrata novaŭviedzienaha žytła na adnaho žychara.
U 2014 hodzie, pikavym dla Viciebska, była 161 tysiača.
A najhoršym akazaŭsia 2023 hod z 108 tysiačami mietraŭ žytła.
Homiel
U druhim pa kolkaści nasielnictva horadzie Biełarusi letaś uviali ŭ ekspłuatacyju 158 tysiač kvadrataŭ žytła. U pikavym 2014-m była 271 tysiača.
U pieravodzie na kolkaść nasielnictva Homiel letaś mieŭ pa 0,31 m² novaha žytła na adnaho žychara, što amal jak u stalicy.
Hrodna
Letaś u hetym abłasnym centry ŭviali ŭ ekspłuatacyju amal 240 tysiač kvadrataŭ žytła. Najlepšymi za apošnija 10 hadoŭ byli 2013 i 2014 hady, kali ŭ Hrodnie zdavali pa 276 tysiač mietraŭ novabudu.
Najmienšyja abjomy ŭvodu žytła ŭ Hrodnie za hety pieryjad byli ŭ 2017-m — 172 tysiačy mietraŭ.
Letaś, jak i pazaletaś, Hrodna lidziruje pa kolkaści novych mietraŭ žytła na dušu nasielnictva — 0,66 m² na čałavieka.
Mahiloŭ
U Mahilovie letaś zdali ŭ ekspłuatacyju 150 tysiač mietraŭ žytła. Heta pa 0,42 m² novaha žytła na adnaho žychara — stolki ž, kolki pabudavali ŭ Viciebsku.
Pikavym za apošnija 10 hadoŭ u Mahilovie akazaŭsia 2018 hod z pakazčykam 158 tysiač mietraŭ.
Najmienšyja abjomy zdačy žytła ŭ Mahilovie za hety pieryjad byli ŭ 2019-m — 144 tysiač mietraŭ žytła.
Zachad vs Uschod
Danyja Biełstata pa kolkaści ŭviedzienych u ekspłuatacyju mietraŭ žytła vyrazna pakazvajuć, nakolki mocna adroźnivajecca situacyja z budaŭnictvam u abłasnych centrach na ŭschodzie i zachadzie krainy.
Kali za apošnija 10 hadoŭ u Hrodnie i Breście było ŭviedziena ŭ ekspłuatacyju bolš čym pa 2,4 miljona mietraŭ žytła, to ŭ blizkich pa nasielnictvie Viciebsku i Mahilovie — prykładna pa 1,5 miljona mietraŭ.
Dvuchmiljonnuju płanku za dziesiać hadoŭ pieraadoleŭ bolšy pa nasielnictvie Homiel. Kali supastaŭlać z kolkaściu žycharoŭ, to ŭ Homieli situacyja z uvodam novaha žytła padobnaja da toj, što ŭ Viciebsku i Mahilovie.
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary