16 maja kala 15:10 u Bresckim rajonie adbyłasia DTZ z udziełam čatyroch aŭtamabilaŭ, paviedamlaje UUS Bresckaha abłvykankama.
63-hadovy miascovy žychar, kirujučy aŭtamabilem Audi, ruchaŭsia pa aŭtadarozie R-83 «Brest — Kamianiec — Nacyjanalny park «Biełaviežskaja pušča» u napramku ahraharadka Čarnaŭčycy.
Pavodle papiaredniaj infarmacyi, na 11-m kiłamietry hetaj darohi padčas abhonu jon sutyknuŭsia z sustrečnym hruzavikom Sitrak z paŭpryčepam, kiravanym 48-hadovym žycharom Bresta.
Ad udaru Audi adkinuła nazad, u vyniku čaho mašyna sutyknułasia z aŭtamabilem Nissan pad kiravańniem 55-hadovaha žychara Hrodzienskaj vobłaści. A paśla hetaha Audi znoŭ vyjechaŭ na sustrečnuju pałasu i sutyknuŭsia z aŭtamabilem Geely z 41-hadovym žycharom Kamianieckaha rajona za rulom. U vyniku abiedźvie mašyny źjechali ŭ kiuviet.
U vyniku hetaha DTZ kiroŭca aŭtamabila Audi byŭ špitalizavany.
Kamientary