Viasna — para mihracyi dzikich žyvioł. Mienavita ŭ hety čas łasi, kazuli dy inšyja žychary lasoŭ najčaściej vychodziać na aŭtadarohi. Źnizić ryzyku sutyknieńnia ź imi dapamoža tanny i prosty srodak.
Prablema darožna-transpartnych zdareńniaŭ z udziełam dzikich žyvioł u Biełarusi nie tracić svajoj vastryni. U 2024 hodzie kolkaść takich DTZ vyrasła na 11,8 pracenta. Na darohach zarehistravana 3771 avaryja. Pry hetym pavodle infarmacyi Dziaržinśpiekcyi achovy žyviolnaha i raślinnaha śvietu zahinuli abo traŭmavanyja 3835 palaŭničych žyvioł.
U 2025 hodzie tendencyja zachoŭvajecca. Tolki za niapoŭnyja dva pieršyja miesiacy hoda było zarehistravana na 17,6% bolš DTZ z udziełam dzikich žyvioł, čym za anałahičny pieryjad 2024 hoda.
Dziaržaŭtainśpiekcyja adznačaje, što tradycyjna pik takoha typu DTZ prypadaje na viasnovy pieryjad, kali ŭ niekatorych dzikich žyvioł (naprykład, łasioŭ i kazul) siezon mihracyi. Jana ž pryznaje, što dla źnižeńnia statystyki siarod inšaha nieabchodnaja źmiena infrastruktury daroh. Ale šmat zaležyć i ad samich kiroŭcaŭ. U bolšaści vypadkaŭ sutyknieńnia ź dzikaj žyviolinaj možna paźbiehnuć.
U hetym moža dapamahčy ultrahukavy śvistok. Jaho huk, jaki nie ŭsprymaje čałaviečaje vucha, adpužvaje žyvioł: łasioŭ, kazul, dzikoŭ i aleniaŭ — zmušajučy trymacca ŭzboč darohi i aŭtamabila.
Pryłada macujecca na bampier, rašotku radyjatara ci ŭ luboje inšaje miesca, dzie jość dastatkovy strumień pavietra, i aktyvujecca pry ruchu aŭtamabila na chutkaści ad 50 kiłamietraŭ u hadzinu. Prostyja miechaničnyja śvistki možna nabyć u internet-kramach pa canie ad 14 BYN.
Daśledavańni pakazvajuć, što ultrahukavyja śvistki mohuć źnižać imaviernaść sutyknieńniaŭ z žyviołami na 30 — 50%, ale ich efiektyŭnaść zaležyć ad šerahu faktaraŭ.
Naprykład, hłuchija ci chvoryja asobiny mohuć nie reahavać na ŭltrahuk. Akramia taho, nieabchodna ŭličyć, što miechaničnyja śvistki pracujuć tolki pry dastatkovaj płyni pavietra, što abmiažoŭvaje ich vykarystańnie na nizkich chutkaściach. Niapravilnaje raźmiaščeńnie pryłady (naprykład, u zonie, zakrytaj kuzavam) źnižaje jaje efiektyŭnaść.
Ciapier čytajuć
Natalla Piatkievič stała vice-premjeram, a Karanik uznačaliŭ Akademiju navuk16
Natalla Piatkievič stała vice-premjeram, a Karanik uznačaliŭ Akademiju navuk
«Siomaja DNK-ekśpiertyza paćvierdziła: Alaksiej ź biełaruskaj vioski Rymucieŭcy — baćka Chansa». Jak narviežac znajšoŭ baćku-biełarusa praz 78 hadoŭ55
Kamientary