U tabunie tarpanapadobnych koniej z sakavika źjaviłasia bolš za 20 žarabiataŭ.
Papaŭnieńnie adbyłosia ŭ tabunie tarpanapadobnych koniej, zaviezienych u Nalibockuju pušču z-za miažy ŭ 2019 hodzie. Z sakavika hetaha hoda naradziłasia ŭžo bolš za 20 žarabiat, i novyja — na padychodzie, piša sb.by.
U zakaźniku adznačajuć, što kabył z prykmietna akruhlenymi bakami, jakija voś-voś stanuć matulami, chapaje.
Siońnia ŭ nas zvyš 200 tarpanaŭ, padličvaje namieśnik dyrektara respublikanskaha łandšaftnaha zakaźnika «Nalibocki» Siarhiej Tumiel:
— Na samaj spravie ich było b jašče bolš, ale ŭ pieršuju čarhu z kłopatam pra ich kamfort, zručnaść z 2023 hoda my pačali raśsialać našych konikaŭ pa inšych pryrodaachoŭnych ustanovach Biełarusi. Naprykład, adpravili ŭ zakaźnik «Sporaŭski», park «Dypryz», «Biełaviežskuju pušču»… I, dumajecca, heta tolki pačatak adnaŭleńnia ŭ nas papulacyi hetych koniej.
Pahladzieć na tabun niezvyčajnych koniej pryjazdžajuć turysty nie tolki z usioj Biełarusi. Siarhiej Tumiel akcentuje ŭvahu na praviłach biaśpieki dla haściej zakaźnika. Tak, naviedvać miescy pražyvańnia tarpanaŭ možna stroha ŭ supravadžeńni supracoŭnikaŭ «Nalibockaha». Nielha karmić i blizka padychodzić da tarpanapadobnych koniej, jakija, jak i zadumana pryrodaj, pavinny zastavacca dzikimi.
Ciapier čytajuć
«Siomaja DNK-ekśpiertyza paćvierdziła: Alaksiej ź biełaruskaj vioski Rymucieŭcy — baćka Chansa». Jak narviežac znajšoŭ baćku-biełarusa praz 78 hadoŭ33
«Siomaja DNK-ekśpiertyza paćvierdziła: Alaksiej ź biełaruskaj vioski Rymucieŭcy — baćka Chansa». Jak narviežac znajšoŭ baćku-biełarusa praz 78 hadoŭ3
Navukoviec raspavioŭ pra hieałahičnyja zahadki Biełarusi: irtuć ź ziamli i kratar ad padzieńnia mietearyta, jaki źniščyŭ usio žyvoje ŭ radyusie tysiač kiłamietraŭ99
Kamientary