«Azaronak — vydatny žurnalist». Namieśnik ministra infarmacyi prakamientavaŭ strymy Azaronka
Błohier Andrej Pavuk pasprabavaŭ paskardzicca na prapahandysta ŭ Ministerstva infarmacyi.
Vytrymki z razmovy z namieśnikam ministra infarmacyi Dzianisam Jazierskim apublikavali ŭ kanale «Rudabielskaja pakazucha» i na Biełsacie.
U Jazierskaha pasprabavali daviedacca, kudy možna skardzicca, kali žurnalist padaje dezinfarmacyju ci niecenzurna vykazvajecca.
«U nas jość Administracyjny kodeks. Kali łaska, zajavu ŭ milicyju. (…) U žurnalista, jak i luboha rabotnika, jość najmalnik. Vy majecie poŭnaje prava ŭ tym liku źviarnucca i da najmalnika, kali vy ličycie haniebnymi pavodziny ci vykazvańni toj ci inšaj asoby», — adkazaŭ čynoŭnik.
Kali ŭ namieśnika ministra zapytali nakont pavodzin prapahandysta STB Ryhora Azaronka na strymach, toj zaŭvažyŭ:
«Heta jaho asabistaja telehram-supołka ci jutub-kanał. Čałaviek maje prava zrabić».
«Azaronak vydatny žurnalist. Z majho punktu pohladu», — vykazaŭsia paśla čynoŭnik.
Jon taksama pierapytaŭ: «A što, na telehram-kanale STB vy čujecie fejki i dezinfarmacyju? Heta vyklučana całkam».
«Kali vy ličycie, što na hetym telehram-kanale STB ci inšaha dziaržSMI vy pačuli fejk ci dezinfarmacyju, značyć u vas niapravilny śvietapohlad u častcy toj infarmacyi, jakuju vy paličyli fejkavaj», — davioŭ svaju pazicyju Jazierski.
Nahadajem, u niadaŭnim strymie Azaronak abrynuŭsia na biełarusaŭ, jakich chvalujuć ceny na bulbu.
«Zadziaŭbli svajoj bulbaj. Žerci i žerci aby, i tolki nyć z hetaj nahody», — dzikim krykam zakryčaŭ Azaronak.
Ciapier čytajuć
Natalla Piatkievič stała vice-premjeram, a Karanik uznačaliŭ Akademiju navuk16
Natalla Piatkievič stała vice-premjeram, a Karanik uznačaliŭ Akademiju navuk
«Siomaja DNK-ekśpiertyza paćvierdziła: Alaksiej ź biełaruskaj vioski Rymucieŭcy — baćka Chansa». Jak narviežac znajšoŭ baćku-biełarusa praz 78 hadoŭ55
Kamientary