Stryječnaha brata biełaruskaha komika Idraka Mirzalizade prysudzili ŭ Azierbajdžanie da 18 hadoŭ źniavoleńnia
35-hadovaha hramadzianina Azierbajdžana Ihbała Abiłava abvinavacili ŭ dziaržaŭnaj zdradzie i prysudzili da 18 hadoŭ kałonii, piša «Miedyjazona» sa spasyłkaj na telehram-kanał #freeigbal, jaki aśviatlaje praces nad Abiłavym. Heta tolki na hod mienš, čym raniej prasiŭ prakuror.
Abiłaŭ ź dziacinstva žyŭ u Biełarusi. Jon skončyŭ fakultet mižnarodnych adnosin, mahistraturu i aśpiranturu BDU, a paśla vykładaŭ u BDU i Biełaruskim instytucie pravaznaŭstva. Akramia hetaha jon pracavaŭ hałoŭnym redaktaram mižnarodnaha časopisa «Vieśnik Tałyšskaj nacyjanalnaj akademii».
U červieni 2024 hoda mužčyna pryjechaŭ u Azierbajdžan na viasielle stryječnaha brata, dzie 22 červienia jaho zatrymali supracoŭniki Dziaržaŭnaj słužby biaśpieki i zładzili šaścihadzinny dopyt, paśla čaho jaho adpuścili. Adnak 27 červienia, kali Abiłaŭ vylataŭ z Baku ŭ Bucharest, nakiroŭvajučysia ŭ Biełaruś, jaho źniali z rejsa i zabrali dakumienty. Praź miesiac jaho znoŭ vyklikali na dopyt i paśla taho ŭžo nie adpuścili.
Svajaki Ihbała Abiłava ličać, što jaho pieraśledujuć z-za jahonych daśledavańniaŭ pra tałyšskuju kulturu. Na sudzie Abiłaŭ paŭtorna zajaviŭ, što nie pryznaje siabie vinavatym i ličyć abvinavačvańni sfabrykavanymi.
U telehram-kanale #freeigbal udakładniajecca, što ciaham 20 dzion budzie padadziena apielacyja na pastanovu suda.
Ciapier čytajuć
Pamiatajecie palitviaźnia Vituchnoŭskaha, jaki pajšoŭ vajavać za Rasiju? Jon užo zahinuŭ10
Pamiatajecie palitviaźnia Vituchnoŭskaha, jaki pajšoŭ vajavać za Rasiju? Jon užo zahinuŭ
«Siomaja DNK-ekśpiertyza paćvierdziła: Alaksiej ź biełaruskaj vioski Rymucieŭcy — baćka Chansa». Jak narviežac znajšoŭ baćku-biełarusa praz 78 hadoŭ77
Kamientary