Padčas Majdanu Andrej Partnoŭ byŭ pieršym namieśnikam kiraŭnika Administracyi prezidenta Ukrainy.
U sieradu ranicaj, 21 maja, u pryharadzie Madryda byŭ zastreleny 52-hadovy Andrej Partnoŭ — juryst i były daradca prezidenta Ukrainy Viktara Janukoviča.
Zabojstva adbyłosia kala 9:15 kala škoły, kudy Partnoŭ pryjechaŭ na mašynie razam sa svaimi dziećmi.
Pavodle infarmacyi ispanskaj radyjostancyi Cadena SER, nieviadomy mužčyna, apisany jak vysoki i chudy, apranuty ŭ čornaje i z aranžavaj sumkaj praź plačo, padbieh da aŭtamabila Mercedes, u jakim znachodziŭsia Partnoŭ, zrabiŭ piać strełaŭ ź blizkaj adlehłaści.
Partnoŭ zahinuŭ na miescy. Napadnik uciok pieššu ŭ napramku parku Kasa-de-Kampa i dahetul nie zatrymany.
#SUMMA112 confirma el fallecimiento de un varón con heridas por arma de fuego en #PozueloDeAlarcón.
Colabora @SEAPAPozuelo y #PolicíaLocal.@policia se encarga de la investigación. pic.twitter.com/yJJnoCcval
Palicyja razhladaje niekalki viersij: mahčymy ŭdzieł mafii, palityčny matyŭ ci pomsta. Uličvajučy bijahrafiju zahinułaha, razhladajecca i scenar, źviazany ź jaho minułym u strukturach ułady Janukoviča i mahčymymi suviaziami z Rasijaj.
Partnoŭ byŭ adnoj z najbolš nabližanych fihur da Janukoviča. Jon zajmaŭ pasadu namieśnika kiraŭnika Administracyi prezidenta ŭ 2011—2014 hadach, u pieryjad Jeŭramajdanu.
Paśla ŭciokaŭ Janukoviča z krainy Partnoŭ vyjechaŭ z Ukrainy i niekatory čas žyŭ u Rasii, paźniej — u Vienie. Jahonaje imia zhadvałasia ŭ kryminalnych rasśledavańniach, źviazanych z parušeńniami pravoŭ čałavieka i karupcyjaj.
Partnoŭ byŭ viadomy svajoj prarasijskaj pazicyjaj i aktyŭnym udziełam u palityčnych spravach Ukrainy.
Padrabiaznaści zdareńnia pakul nie raskryvajucca, i palicyja pravodzić rasśledavańnie.
Kamientary