U Biełaruskaj carkvie ŭ Vilni siońnia buduć malicca za biełaruskich palitviaźniaŭ
U Biełaruskaj pravasłaŭnaj carkvie Suśvietnaha patryjarchata (Bokšto, 4) siońnia buduć malicca za biełaruskich palitviaźniaŭ. Pačatak a 18-j.
Jak napisaŭ u svaim fejsbuku ajciec Hieorhij Roj, što toj, chto nie zmoža naviedać u hety čas carkvu, to jon zaprašaje da samastojnaha čytańnia nastupnaj malitvy:
«Hospadzie, Ty bačyŭ pakuty i śmierć usich niespraviadliva źniavolenych u stalinskich łahierach synoŭ i dačok biełaruskaj ziamli. Ty zaŭsiody zastaješsia pobač z kožnym niavinnym sercam u čas hvałtoŭnaha źniavoleńnia. Ty sam źviedaŭ pakuty i źniavahi za kratami, hvałt i ździeki z Tvajoj čałaviečaj i Boskaj hodnaści. Ty, jak nichto inšy, viedaješ, što niavinnyja pakuty za praŭdu i luboŭ viaduć da ŭvaskrasieńnia dušy i cieła. Ty prymaješ i padzialaješ z kožnym pakutujučym jaho pakutu. Pryjmi ciažar ich źniavoleńnia, Hospadzie, i padtrymaj ich! Vaźmi ich rospač u Tvaje kłapatlivyja ruki, kab jany mahli davierycca Tvajoj miłasernaj lubovi. Hospadzie, prosim, niachaj kožny niespraviadliva źniavoleny znojdzie mir i nadzieju ŭ Tabie, naš Zbaŭca, a vinavatyja ŭ złačynstvach pryniasuć achviaru sapraŭdnaha pakajańnia i naviartańnia. Aśviaci svaim śviatłom hetyja dni vyprabavańnia, kab vymušanaje źniavoleńnie stała dla viaźniaŭ časam pieramohi nad złom i časam sustrečy z Taboju, darohaju, praŭdaju i žyćciom. Daj im, miłaserny Ojča, najchutčejšaje vyzvaleńnie! Amiń!
Ciabie, Usiačystaja Baharodzica i našaja niabiesnaja Maci, prosim: pakryj našuju krainu Tvaim śviatym pokryvam i budź apiakunkaj i zastupnicaj usim niespraviadliva źniavolenym bratam i siostram našym. Ty, bačyła i jak maci pieražyvała źniavoleńni i pakuty Syna Tvajho i Boha našaha — Hospada Iisusa Chrysta. Vyzvali ž, Dzieva Maryja, niespraviadliva źniavolenych siaścior i bratoŭ našych ad pakut, ździekaŭ i katavańniaŭ. Vyviedzi ich, Niabiesnaja Uładarka, ź miescaŭ pakuty da voli i svabody, kab jany mahli źjadnacca sa svaimi rodnymi! Amiń
I Vy, ŭsie śviatyja zastupniki biełaruskaha narodu, maliciesia za usich niespraviadliva źniavolenych bratoŭ i siaścior našych. Dapamahajcie im, vašymi śviatymi malitvami, vybavicca ad niavoli i pryjści da svabody, kab kožny sa źniavolenych moh unieści svoj układ u ahulnaje dabro i ŭ žyćci svaim, kab atrymali jany ščaście, biaśpieku i dabrabyt, addajučy słavu, pašanu i pakłanieńnie Bohu ŭ Trojcy adzinamu, Ajcu, i Synu, i Śviatomu Duchu, ciapier i zaŭsiody, i na viaki viakoŭ. Amin».
-
U Čačersku praviali pakazalny sud nad maładzionami, jakija sarvali čyrvona-zialony ściah
-
«Sychodzić epocha navukovaha stendapu». Biesarab pra źniaćcie z pasady byłoha kiraŭnika Akademii navuk
-
«Ranicaj kupiŭ dalary, uviečary ŭžo nie zdać». Ci źmieniacca praviły ŭ abmieńnikach i što banki robiać z «drennaj» valutaj
Ciapier čytajuć
«My ŭsie hasudaravy ludzi». Karanik na raźvitańnie zajaviŭ pra svaju viernapaddanaść2
Kamientary