Litoŭskaja mytnia pierachapiła try chitraschavanyja ŭsiodarožniki, jakija chacieli ŭvieźci ŭ Biełaruś
Jany byli ŭ hruzavym ciahačy DAF, jaki jechaŭ ź Litvy i, jak śćviardžałasia, vioz hruz vodanahravalnikaŭ.
Ciahač byŭ spynieny dla detalovaj pravierki supracoŭnikami Kryminalnaj mytnaj słužby Litvy ŭ na pamiežnym pierachodzie ŭ Miednikach jašče ŭ minuły čaćvier, 15 maja, paviedamlaje litoŭskaja mytnia.
Padazreńni supracoŭnikaŭ vyklikali dziŭnyja pavodziny hramadzianina Tadžykistana, jaki kiravaŭ mašynaj — zdałosia, što jon, pakinuŭšy ciahač, pasprabavaŭ chutka pieššu pakinuć terytoryju pasta.
Kali mytnyja kryminalisty spynili kiroŭcu, jaki nieviadoma kudy śpiašaŭsia, toj patłumačyŭ, što viazie ŭ Tadžykistan vodanahravalniki.
Adnak pry detalovaj praviercy chutka vyśvietliłasia, što vodanahravalniki (ich było ŭsiaho 18 štuk, usie składzienyja ŭ zadniaj častcy paŭpryčepa) źjaŭlajucca tolki prykryćciom kantrabandy aŭtamabilaŭ. U astatniaj častcy paŭpryčepa byli schavanyja try raskošnyja ŭsiodarožniki: dva Land Rover Range Rover Sport i adzin Lexus RX450h.
Ciahač i kantrabandnyja aŭtamabili, jakija im pieravozilisia, byli zatrymanyja, Kiroŭca taksama byŭ zatrymany na dvoje sutak, u jaho zabrali dakumienty i dali piśmovaje abaviazacielstva nie pakidać krainu.
Ciapier čytajuć
«My ŭsie hasudaravy ludzi». Karanik na raźvitańnie zajaviŭ pra svaju viernapaddanaść2
Kamientary