Vice-premjer: Takoha viasnovaha nadvorja nie pamiatajuć navat staražyły
21 maja vice-premjer Juryj Šulejka padčas pracoŭnaj pajezdki ŭ Hancavicki rajon adznačyŭ, što sioletnija viasnovyja zamarazki značna paškodzili sielskahaspadarčyja kultury. Pavodle jaho słoŭ, navat miascovyja staražyły nie pamiatajuć takich umoŭ nadvorja.
Šulejka śćviardžaje, što viesnavyja sielskahaspadarčyja raboty pačalisia vielmi paśpiachova: technika była hatovaja, nasieńnie i ŭhnajeńni — u najaŭnaści. Ale viartańnie chaładoŭ z zamarazkami mocna ŭdaryła pa paletkach, prytym i pa azimych, i pa jaravych kulturach.
Najbolš paciarpieła Bresckaja vobłaść, bo tam šmat haspadarak znachodzicca na tarfianikach, dzie tempieratura chutka apuskajecca nižej za nul. U noč z 15 na 16 maja na stancyi «Paleskaja» zafiksavali minus 2 hradusy — tempieratura paŭtaryła rekord 1900 hoda. Ahułam za maj užo abnoŭlena 67 antyrekordaŭ pa choładu.
Jašče raniej, 14 maja, premjer-ministr Alaksandr Turčyn padkreśliŭ, što niestabilnaje nadvorje — čarhavańnie ciapła i zamarazkaŭ — niehatyŭna paŭpłyvała na rost kultur. Choć viesnavyja raboty pačalisia raniej zvyčajnaha — jašče ŭ sakaviku — ciapier mnohija pasievy paškodžanyja i patrabujuć dadatkovaha dohladu abo poŭnaha pierasiavańnia.
Kab kampiensavać straty, ułady rekamiendujuć siaŭbu kukuruzy i adnahadovych traŭ. Usie pierapracoŭčyja raboty pavinny być zavieršanyja da 1 červienia. Pry hetym padkreślivajecca, što nielha śpisvać mahčymuju nieachajnaść haspadarak na drennaje nadvorje.
Ciapier čytajuć
«My ŭsie hasudaravy ludzi». Karanik na raźvitańnie zajaviŭ pra svaju viernapaddanaść5
Kamientary