U Biełarusi raskryli niezakonny kryptaabmieńnik z abarotam u 2,5 miljarda rubloŭ. Jahonaja dziejnaść trapiła ŭ pole zroku siłavikoŭ jašče vosieńniu 2024 hoda.
Jak vyśvietlili supracoŭniki Departamienta finansavych rasśledavańniaŭ pa Minskaj vobłaści i horadzie Minsku, abmieńnikam dystancyjna kiravaŭ arhanizatar, jaki ŭvieś čas znachodziŭsia ŭ Polščy. U Biełarusi ŭsie apieracyi, źviazanyja z kuplaj i prodažam kryptavaluty, vykonvała jahonaja žonka.
Muž i žonka taksama adkazvali za raźmierkavańnie hrašovych uznaharod siarod inšych udzielnikaŭ schiemy: techničnaj padtrymki, sistemnaha administratara i tak zvanych «dropaŭ» — ludziej, što pieravodzili hrošy ŭ najaŭnyja praz bankaŭskija karty, aformlenyja na siabie.
Pavodle źviestak orhanaŭ dziaržkantrolu, arhanizatar atrymlivaŭ 40% dachodaŭ, sistemny administratar — 20%, a «dropam» płacili kala 1000 rubloŭ u miesiac.
Ahulny abarot niezakonnaha abmieńnika skłaŭ 2,5 miljarda biełaruskich rubloŭ, a papiaredni abjom niaspłačanych padatkaŭ — kala 1 miljona.
Suprać arhanizataraŭ raspačali kryminalnuju spravu.
Ciapier čytajuć
Kachanak Anžaliki Mielnikavaj — ahient biełaruskich śpiecsłužbaŭ z pašpartam prykryćcia4
Kamientary