Capkała: Papularnaść Cichanoŭskaj — vynik nakrutak i manipulacyj
Daradca Ałbanskaj inviestycyjnaj karparacyi Valer Capkała praciahvaje svaju zaciatuju baraćbu sa Śviatłanaj Cichanoŭskaj i jaje kamandaj. Palityk pierakanany, što isnujuć śpiecyjalnyja fiermy botaŭ, jakija padtrymlivajuć Cichanoŭskuju i ckujuć jaje krytykaŭ — takich, jak sam. «My z vami viedajem, kamu heta botafierma naležyć», — kanśpirałahična namiakaje palityk.
U svaim čarhovym strymie Valeryj Capkała pierakonvaŭ słuchačoŭ, što častka biełaruskaj demakratyčnaj emihracyi nibyta zadziejničaje botaŭ dla štučnaha stvareńnia miedyjnaj papularnaści.
Capkała zhadaŭ, što prykładna hod tamu stała viadoma pra isnavańnie ŭ Tbilisi fabryki botaŭ, źviazanaj z Free Russia Foundation i asacyjavanaj, pa jaho słovach, z fondam Navalnaha.
Heta pieršaja manipulacyja ad Capkały — niama nijakich dokazaŭ suviazi fabryki botaŭ z Fondam baraćby z karupcyjaj Navalnaha.
«Hetyja chłopcy, rasijskaja botafierma, pryznalisia, što na pavierch vyšej znachodziłasia 50 čałaviek — biełaruskaja botafierma», — praciahvaŭ palityk.
Jon pryznajecca, što «mietadyčak nie bačyŭ», adnak kateharyčna śćviardžaje: «my absalutna z vami viedajem, kamu heta botafierma naležyć».
Capkała raskazvaje, što jana była stvorana i finansavałasia za košt jeŭrapiejskich i amierykanskich hrantaŭ, jakija pryznačalisia dla padtrymki niezaležnych miedyja. Tut jon znoŭ nie pryvodzić nijakich paćviardžeńniaŭ svaim zajavam.
Capkała śćviardžaje, što «całkam dakładnaje było ŭkazańnie hetym botam nakručvać prahlady Viačorki, Cichanoŭskaj i kampanii» i adnačasova «hnabić, i ŭsialakija davać niehatyŭnyja kamientaryi» adnosna «inšych ludziej», u tym liku i jaho samoha, «kali my viadziom padobnaha kštałtu strymy». Usio heta taksama fantazii Capkały, nie padmacavanyja faktami.
Zrešty, Capkała pryznaje, što jaho razvahi nie majuć dokazaŭ — ale ŭpeŭnieny, što ź ciaham času słovy atrymajuć paćviardžeńnie:
«Jašče raz kažu, my nie bačyli, chto heta rabiŭ, i jakija tam instrukcyi jany atrymlivali. Ale ja dumaju, što z časam usio tajemnaje stanovicca vidavočnym. Choć, viadoma, voś hetyja voś kiraŭniki bota-fiermy, jany, u adroźnieńnie ad naiŭnych navukoŭcaŭ nie publikujuć padobnaha rodu spravazdačy infarmacyi ŭ navukovych časopisach ci ŭ presie».
«Donary tabie dajuć hrošy na padtrymku srodkaŭ masavaj infarmacyi, ty robiš niejkuju zajavu ŭ sietcy (pamiatajecie, jak u Viačorki, tam, miljon prahladaŭ). Jon kidaje hrošy, tam, 50 tysiač z hetych srodkaŭ, nakručvajučy sabie voś hetymi botami prahlad. Potym jon pradjaŭlaje heta donaram, pakazvaje, hladzicie, jaki ja papularny. Dalej pajšło voś hetaje, tak by mović, koła zarablańnia hrošaj», — razvažaŭ Capkała.
Na biełarusaŭ, pa słovach palityka, «heta nie pracavała, tamu što biełarusy viedajuć canu voś hetym usim prajdziśvietam, viedajuć, jak usio pracuje», a voś na donaraŭ, jakija «nie ŭnikajuć» i» nie razumiejuć niuansaŭ takoj raboty», mieła ŭpłyŭ.
«Vystupaje heta voś, tak by mović, lidarka nacyjanalnaja, jak jana siabie nazvała, kali ŭ Vilni apynułasia, voś hladzicie, jaje tam miljony prahladaŭ. (…) Voś hetaje machlarstva, jano nasamreč pracuje, pracavała na Zachad, ale jano nijakaha ŭpłyvu na ŭnutrypalityčnuju situacyju ŭ Biełarusi nie akazvała, tamu što, jašče raz padkreślivaju, usie cudoŭna razumiejuć, što heta za frukty».
Ciapier čytajuć
«Ludzi iduć u miačeci, a nie lečać psichičnyja chvaroby». Biełaruski psichijatr raskazaŭ ab pracy va Uźbiekistanie i ŭ Polščy2
Kamientary
sami po siebie połnyje nuli, političieskije trupy, no iz koži von lezut, čtoby izobraziť vieličinu putiem prinižienija ostalnych.
Nie čapajcie, Śviatłanu, demsiły. Kali i jość u vas što lehitymnaje, - dyk heta jana.