Letaś u Rasii zatrymali amal tysiaču čałaviek, jakich šukali ŭ Biełarusi
Na pasiadžeńni Abjadnanaj kalehii ministerstvaŭ unutranych spraŭ Biełarusi i Rasii, jakoje adbyłosia 23 maja ŭ Mahilovie, ministr unutranych spraŭ Biełarusi Ivan Kubrakoŭ nazvaŭ niekalki ličbaŭ, jakija adlustroŭvajuć stan supracoŭnictva pamiž siłavikami abiedźviuch krain, piša BiełTA.
Kubrakoŭ paviedamiŭ, što ŭ 2023—2024 hadach sumiesnymi namahańniami było nibyta papiaredžana čatyry terakty, nakiravanyja suprać dziaržaŭnych słužačych i važnaj infrastruktury.
Taksama dziakujučy analizu kryptaapieracyj było vyjaŭlena 35 čałaviek, źviazanych z narkatyčnym biźniesam, jakich pryciahnuli da adkaznaści. U Rasii zatrymali siemiarych zakładčykaŭ z bolš jak 50 kiłahramami psichatropaŭ, častka jakich pryznačałasia dla Biełarusi. Akramia taho, praviali 10 mižnarodnych kantralavanych pastavak narkotykaŭ, pa siami ź ich zatrymali arhanizataraŭ.
Usiaho ž za minuły hod u Rasii zatrymali 964 čałaviek, jakich šukała biełaruskaje MUS, a Biełaruś — 185, jakich šukali rasijskija siłaviki. Ci byli siarod ich asoby, jakich abvinavačvajuć pa palityčnych artykułach, nie paviedamlajecca.
U svaju čarhu, taksama prysutny na kalehii ministr unutranych spraŭ Rasii Uładzimir Kałakolcaŭ adznačyŭ, što kolkaść złačynstvaŭ u Biełarusi, ździejśnienych suprać rasijan, źmienšyłasia na 10%, a ŭ Rasii suprać biełarusaŭ — amal na 2%. Praŭda, jon nie ŭdakładniŭ, kolki heta ŭ absalutnych ličbach.
Kamientary
Čiem mieńšie biełarusov v Rośsii, čiem mieńšie biełarusov v Biełarusi, tiem bystrieje pridiom k jedinomu, russkomu narodu pod rukovodstvom Moskvy.