Biełaruskija ajcišniki źjazdžajuć ź Litvy? Jak źmianiajecca kolkaść biełarusaŭ u Litvie pa typach DNŽ

Biełarusy amal paŭsiul na pieršym miescy

Pačynajučy z hetaha hoda, litoŭski departamient mihracyi staŭ publikavać bolš padrabiaznuju statystyku pa trymalnikach DNŽ. Dziakujučy hetamu, možna adsačyć, jak źmianiajecca kolkaść hramadzian Biełarusi z DNŽ taho ci inšaha typu.

Pa stanie na 1 studzienia 2025 hoda, u Litvie było 57 511 hramadzian Biełarusi z DNŽ usich typaŭ.

Pavialičyć

Ź ich 3 605 čałaviek mieli DNŽ typu EU Blue Card (lit. Aukšta kvalifikacija). Taki dakumient vydajecca vysokakvalifikavanym śpiecyjalistam, jakija adpaviadajuć peŭnym kryteram pa ŭzroŭniu zarpłaty, vyšejšaj adukacyi abo dośviedu pracy ŭ jakaści vysokakvalifikavanaha śpiecyjalista. Mienavita Blue Card čaściej za ŭsio atrymlivali supracoŭniki IT-kampanij.

Za apošnija paŭhoda, kolkaść hramadzian biełarusi ź litoŭskimi DNŽ skaraciłasia da 52 662 čałaviek, abo na 8,5%. Razam z ahulnaj ličbaj skaraciłasia i kolkaść Blue Card siarod biełarusaŭ. Ciapier ich zastałosia 3 363, što pryblizna na 7% mienš, čym było na pačatku hoda. Atrymlivajecca, što siarod vysokakvalifikavanych śpiecyjalistaŭ adtok navat mienšy, čym kali brać ahułam.

Pavialičyć

Tym nie mienš, navat niahledziačy na skaračeńnie, biełarusy ŭpeŭniena zajmajuć u Litvie pieršaje miesca pa kolkaści vysokakvalifikavanych śpiecyjalistaŭ — bolš za 60% ad ahulnaj kolkaści.

Na druhim miescy pa kolkaści vysokakvalifikavanych zamiežnikaŭ z Blue Card iduć hramadzianie Rasii — 794 čałavieki. Na pačatku hoda ŭ Litvie było 869 rasijan z Blue Card. Zamykajuć trojku lidaraŭ indyjcy z 386 vysokakvalifikavanymi śpiecyjalistami.

Čaćviortaje miesca — ukraincy z 354 Blue Card. Piataje — Turcyja z 116 vysokakvalifikavanymi śpiecyjalistami.

Admietna, što kali kolkaść hramadzian Biełarusi i Rasii z Blue Card skaračajecca, to kolkaść hramadzian Ukrainy, Indyi i Turcyi trochi pavialičyłasia. Ale ahulnaja ličba taksama padaje: kali na pačatku hoda ŭ Litvie było 5823 zamiežniki z Blue Card, to ciapier zastałosia 5584. A hod tamu ich było ŭvohule 6085 čałaviek.

Jak pakazvaje statystyka, najbolšaje skaračeńnie siarod hramadzian Biełarusi nazirajecca ŭ tych, chto maje zvyčajny pracoŭny DNŽ (lit. Darbas). Kali pa stanie na 1 studzienia takich było 41 450, to ciapier — 37 028 čałaviek. Heta minus 10,5% za šeść miesiacaŭ.

Nie tolki ŭ minus

Pry hetym krychu pavialičyłasia kolkaść trymalnikaŭ humanitarnaha DNŽ — 1050 ciapier, suprać 947 na pačatku hoda. Siarod novych 103 čałaviek mohuć być jak niadaŭna pryjechaŭšyja ŭ Litvu pa humanitarnych pryčynach, tak i tyja, chto raniej mieŭ Blue Card abo zvyčajny pracoŭny DNŽ.

Taksama pastupova pavialičvajecca kolkaść hramadzian Biełarusi, jakija majuć PMŽ. Kali pa stanie na 1 studzienia ŭ Litvie pražyvała 3773 biełarusy z PMŽ, to ciapier — 3893 čałavieki.

Pavialičyć

Pry hetym varta adznačyć, što kolkaść hramadzian Biełarusi, jak i inšych zamiežnikaŭ, jakija majuć litoŭski DNŽ, i kolkaść tych, chto tam realna pražyvaje, — heta zusim roznyja ličby.

Reč u tym, što z 42 307 vydadzienych novych DNŽ na padstavie pracy ŭ 2025 hodzie 33 426, abo 79%, prychodzilisia na kiroŭcaŭ-mižnarodnikaŭ.

• 4
• 1
• 4
• 1
• 0
• 2
• 0
• 0