«Raniej byŭ smačniejšy». U tyktoku abmierkavali minułaje i sučasnaść kvasu z žoŭtaj bočki
Bieraściejka Taćciana, jakaja ciapier žyvie ŭ Polščy, pryjechała dadomu i, ubačyŭšy znajomuju ź dziacinstva žoŭtuju bočku z kvasam, źniała pra heta videa i vykłała jaho ŭ tyktok. Rolik chutka staŭ papularnym — bolš za 160 tysiač prahladaŭ — i vyklikaŭ burnyja sprečki ŭ kamientaryjach. Ludzi abmiarkoŭvajuć, ci biaśpiečna ciapier pić kvas z takich bočak i ci zachavaŭsia jahony smak, piša BG.Media.
Niekatoryja śćviardžajuć, što bočki ržavyja i nie adpaviednyja sanitarnym normam, zhadvajučy pra nibyta ćvil i navat «žyŭnaść» unutry.
Inšyja nastalhujuć pa dziacinstvie i śćviardžajuć, što ciapier usio zusim inakš — unutry sučasnaja aluminijevaja kapsuła, ciepłaizalacyja, a sam kvas zalivajecca ŭ sterylnych umovach. Taksama zhadvajecca, što sanstancyja rehularna praviaraje bočki, a bieź śpiecyjalnaj daviedki z zavoda ich nie napaŭniajuć.
Što da smaku, to i tut mierkavańni padzialilisia. Adnyja ličać, što ciapier kvas — heta ŭžo «nie toj» napoj, što jon staŭ vadkim, «paraškovym» i straciŭ naturalnaść. Inšyja, naadvarot, śćviardžajuć, što kvas pa-raniejšamu smačny i prosta vyklikaje pryjemnyja ŭspaminy ź dziacinstva.
Raniej kvas dla hetych bočak rabiła «Bresckaje piva», ale apošnim časam napoj zakuplajuć u inšych vytvorcaŭ, naprykład, u Biarozaŭskaha kambinata kaapieratyŭnaj pramysłovaści.
Ciapier čytajuć
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»88
Kamientary
Poetomu u ṕjuŝich było priniato intieriesovaťsia, vkusnyj li kvas na etoj točkie.
Let diesiať nazad privieźli mnie raźlivnoj iz bočki v płastikovoj butyłkie, no nie samodielnyj potriebkoopieracii, a zavodskoho proizvodstva OAO «Lidskoje pivo», tak on biez hazirovanija dažie vkuśnieje, čiem ich lidskij butilirovannyj.