Fota Julii Daraškievič.
U Hrodnie ŭ kvateru Anžaliki Borys na Aziorskaj šašy pryjechali sudovyja vykanaŭcy, kab apisać majomaść. Jak kiraŭnik firmy «Palonika», jana była aštrafavanaja na 4 miljony 200 tysiač rubloŭ. Sama firma maje 122 miljony rubloŭ štrafaŭ.
Jak paviedamiŭ ź miesca padziei pres‑sakratar Sajuza palakaŭ Ihar Bancar, try sudovyja vykanaŭcy apisali takija rečy, jak muzyčny centr, mikrachvalovuju piečku, kamputar, stacyjanarny telefon, televizar, novy (nia ŭstaŭleny) škłopakiet i skazali, što buduć ich vyvozić.
Praz «Paloniku» Sajuz palakaŭ na čale z A.Borys ažyćciaŭlaŭ svaju dziejnaść. Jak viadoma, hetuju arhanizacyju biełaruskija ŭłady admaŭlajucca rehistravać. Firmu pakarali za toje, što jana atrymlivała hrošy na svaju kulturna‑aśvietnickuju dziejnaść ad «Vspulnoty polskaj», sud paličyŭ, što ich treba było afarmlać jak humanitarnuju dapamohu.
0
0
0
0
0
0
