Źmicier Babicki
Ź cikavymi mietadami pracy barysaŭskaj vybarčaj kamisii sutyknułasia kamanda siabra Ruchu «Za Svabodu» i Partyi BNF Źmitra Babickaha. Jon bałatujecca ŭ haradski saviet pa 15‑aj vybarčaj akruzie.
Heta ŭžo treciaja sproba Babickaha prajści ŭ harsaviet. U 2003 hodzie jaho prosta nie zarehistravali ŭ kandydaty. U 2007 hodzie pa papiarednich vynikach Źmicier atrymlivaŭ pieramohu nad načalnikam aŭtaparka Škredavym. Ale praz dva dni tuju pieramohu skasavali, a Škredaŭ pieramoh ź pieravahaj u 22 hałasy.
Hetym ža razam vybarčaja kamisija dziŭnym čynam pierapisała bijahrafiju Babickaha, jakaja budzie źmiaščacca na aficyjnych płakatach.
Było pakinutaje tolki toje, što kandydat naradziŭsia ŭ 1979 hodzie ŭ Barysavie, skončyŭ BDEU. Taksama byŭ paznačany hadavy dachod, najaŭnaść mašyny i siabroŭstva ŭ Partyi BNF. Bolš ničoha. Navat fatazdymak kamisija pastaviła nie toj, jaki padaŭ kandydat, a inšy, nieviadoma adkul zdabyty, na jakim jon vyhladaje mienš pryvabna.
Naprykład ža, byli vydalenyja jaho navučańnie ŭ aśpirantury BDEU na kafiedry «Rehijanalnaha kiravańnia», vučoba ŭ Varšaŭskim univiersitecie, udzieł u raspracoŭcy nastupnych dakumientaŭ: «Rejtynh haradoŭ Biełarusi: umovy raźvićcia čałaviečaha kapitału» (2008 h.) i «Kancepcyja pryvatyzacyi aŭtamabilnaha pasažyrskaha transpartu ŭ Biełarusi» (2009 h.), stratehii reformaŭ u Biełarusi «Jeŭrapiejski vybar» (2003 h.), padručnika «Asnovy ekanamičnaha raźvićcia rehijonu» (2009 h.), pracu ŭ Instytucie pradprymalnictva i mieniedžmientu (IPM), a taksama ceły šerah inšych faktaŭ bijahrafii Babickaha.
Sakratarka ž kamisii Taciana Stasava admaŭlałasia davać infarmacyju na aficyjnych vybarčych płakatach pra Babickaha pa‑biełarusku. Paśla zajavy kandydata bijahrafija była pierakładzienaja na biełaruskuju movu.
Davieranaja asoba Źmitra Babickaha Siarhiej Sałaš nakiravaŭ skarhu ŭ vybarčuju kamisiju, dzie patrabuje ŭžyvać poŭnuju bijahrafiju kandydata, a taksama raźmiaścić toj fotazdymak, što nakiravała kamanda palityka.