U iranskaj pravincyi Siemnan, što na poŭnačy krainy, adbyŭsia ziemlatrus mahnitudaj 5,2. Pry ciapierašniaj napružanaj situacyi vakoł hetaj krainy zrazu ŭźnikajuć viersii, što heta ŭsio nie prosta tak — ci amierykancy razbambili padziemny kompleks u Fardo, ci irancy praviali jadziernaje vyprabavańnie. Ale zdajecca, što heta ŭsio ž čysta pryrodnaja źjava.
Pravincyja Siemnan na zachadzie miažuje z pravincyjami Tehieran i Kum. Epicentr ziemlatrusu znachodziŭsia za 36 km na paŭdniovy zachad ad horada Siemnan, ačah zalahaŭ na hłybini 10 kiłamietraŭ. Pra razbureńni i paciarpiełych nie paviedamlajecca. Pry hetym u susiedniaj pravincyi Kum znachodzicca jadzierny abjekt Fardo.
Heta nie pieršy vypadak siejśmičnaj aktyŭnaści ŭ rehijonie — 14 kastryčnika 2024 hoda tut užo adbyvaŭsia ziemlatrus mahnitudaj 4,8. Jahony epicentr byŭ niepadalok ad horada Hiermsar na hłybini 11 kiłamietraŭ. Tady niekatoryja žyłyja damy zastalisia biez elektryčnaści i internetu, a padziemnyja šturški adčuvalisia navat na ŭschodzie Tehierana.
Paśla tych padziej u sacyjalnych sietkach taksama źjavilisia čutki pra nibyta mahčymyja jadziernyja vyprabavańni, adnak ułady Irana i dziaržaŭnyja ŚMI hetyja zdahadki abvierhli. Mižnarodnaja arhanizacyja pa zabaronie jadziernych vyprabavańniaŭ taksama nie zafiksavała nijakich prykmiet jadziernaj dziejnaści — usia siejśmičnaja aktyŭnaść mieła naturalny charaktar.
U pravincyi Siemnan znachodzicca adnajmienny iranski rakietny palihon, raźmieščany ŭ pustyni Dašcie-Kievir. Mienavita adsiul u 2009 hodzie byŭ vyviedzieny na arbitu pieršy iranski spadarožnik «Amid» z dapamohaj rakiety «Safir». Paźniej na hetaj bazie byŭ stvorany kaśmičny centr z kasmadromam imia Imama Chamiejni.
Budučynia Irana: try scenary paśla mahčymaha krachu režymu mułaŭ
«Vieryli ŭ Trampa-miratvorca». Udar Izraila pa Iranie zaśpieŭ Kreml źnianacku
Prezident Izraila: My nie stavim za metu zrynuć Chamieniei, ale heta moža być pabočnym efiektam ź vialikimi histaryčnymi nastupstvami
Voś kolki kaštuje Izrailu vajna ź Iranam. Samaje darahoje — abarona svajho nieba
Cichanoŭski raskazaŭ, što treba było rabić u žniŭni 2020-ha62
Kamientary