Miortvym znojdzieny ŭ Varšavie Źmicier Kaśpiarovič — 43-hadovy były palitviazień, zavierbavany KDB
Trahična zahinuŭ biełaruski apazicyjny aktyvist, siabra Sojmu Partyi BNF Źmicier Kaśpiarovič.
Cieła Źmitra znajšli ŭ jaho doma ŭ Varšavie. Viadoma, što śmierć 43-hadovaha mužčyny nastupiła nie ŭ vyniku naturalnych pryčyn, ale što adbyłosia — pakul nieviadoma.
Pieršym pra śmierć Kaśpiaroviča paviedamiŭ telehram-kanał Nexta. Krynicy «Našaj Nivy» paćvierdzili hetuju infarmacyju.
Kaśpiarovič byŭ u apazicyi ź junych hadoŭ, aktyŭna ŭdzielničaŭ u roznych ruchach, byŭ siabrom Sojma Partyi BNF, a zarablaŭ jak pradprymalnik. Jon byŭ arhanizataram roznych kulturnych inicyjatyŭ i fanatam padarožžaŭ: sam abjechaŭ paŭśvietu, bolš za 70 krain.
Upieršyniu Źmitra Kaśpiaroviča sudzili ŭ 2006 hodzie. Za sarvany čyrvona-zialony ściah jamu pryznačyli piać miesiacaŭ aryštu.
U 2022-m hodzie Dźmitryj vyjechaŭ ź Biełarusi i pryznaŭsia, što supracoŭničaŭ ź biełaruskimi śpiecsłužbami. Ź jahonaha pryznańnia mnohaje zastavałasia niajasnym — było jasna tolki, što hetaja supraca mahła być daŭniaj.
Čytajcie taksama: «Ja sam vyjšaŭ na KDB i prapanavaŭ im supracoŭnictva». Siabra Sojma Partyi BNF Źmicier Kaśpiarovič pryznaŭsia ŭ supracoŭnictvie sa śpiecsłužbami
Cichanoŭski raskazaŭ, što treba było rabić u žniŭni 2020-ha62
Kamientary