Biznesmien, biełaruska sa Šviecyi, chłopiec, asudžany za čat na piaciarych. Kaho jašče vyzvalili i vyvieźli ŭ Vilniu razam ź Siarhiejem Cichanoŭskim
U vyniku vizitu ŭ Minsk śpiecpradstaŭnika prezidenta ZŠA Donalda Trampa Kita Kiełaha na volu vyjšła 14 palitviaźniaŭ. Častku ź ich adrazu pryvieźli ŭ Vilniu.
Na voli 21 červienia apynulisia Siarhiej Cichanoŭski, žurnalist Ihar Karniej, vykładčyca Natalla Dulina, estoniec Ałan Roj.
Chto jašče? Raskazvajem pra hetych ludziej.
Biznesmien Siarhiej Šeleh
Siarhiej Šeleh — 64-hadovy biznesmien i mieniedžar u farmakałahičnaj halinie.
Z 2002 pa 2005 jon byŭ dyrektaram pa miedycynskaj častcy kampanii «Hłobałfarma». Paśla pierajšoŭ u kampaniju Sanofi-Aventis (ciapier — prosta Sanofi) na pasadu dyrektara. Na 2022 hod mužčyna byŭ kiraŭnikom kirunku dženzajm — jon śpiecyjalizujecca na redkich chvarobach kryvi, ankałohijach, raśsiejanym sklerozie i imunałohii.
U 2023 hodzie Siarhiej pierajšoŭ u «Navamiedyku» — bujnuju kampaniju, jakaja zajmajecca optavym handlem farmaceŭtyčnymi vyrabami, a taksama maje ŭłasnuju kliniku ŭ Minsku.
U Siarhieja jość niepaŭnahadovy syn.
Sud nad mužčynam adbyŭsia 22 sakavika 2024 hoda. Jaho abvinavačvali pa dvuch artykułach Kryminalnaha kodeksa — «finansavańnie ekstremisckaj dziejnaści» (č. 1 i č. 2 art. 361-2 KK) i «finansavańnie terarystyčnaj dziejnaści» (č. 2 art. 290-1 KK).
Sudździa Nastaśsia Papko pryhavaryła mužčynu da vaśmi z pałovaj hadoŭ kałonii ahulnaha režymu.
Kirył Bałachonaŭ, jakoha asudzili za čat
21-hadovy Kirył Bałachonaŭ byŭ adnym ź piaci ŭdzielnikaŭ zakrytaha čata «Sajuz biełaruskaha nacyjanalnaha ščyta». Śćviardžałasia, što chłopiec źbiraŭsia pajechać abaraniać Ukrainu.
Maładoha čałavieka, zatrymali 8 listapada 2022 hoda, kali jamu było ŭsiaho 18 hadoŭ.
Chłopca sudzili pa dvuch artykułach KK — «stvareńnie ekstremisckaha farmavańnia abo ŭdzieł u im» (art. 361-1) i «sadziejničańnie ekstremisckaj dziejnaści» (art. 361-4).
Sudździa Alena Bačyšča 7 lipienia 2023 hoda dała jamu try z pałovaj hoda pazbaŭleńnia voli ŭ kałonii va ŭmovach uzmocnienaha režymu.
Biełaruska ŭ Šviecyi Halina Kraśnianskaja
Halina Kraśnianskaja — 69-hadovaja piensijanierka. Halina Andrejeŭna doŭhi čas žyła ŭ Šviecyi, maje šviedskaje hramadzianstva. Jana była adnoj z zasnavalnic aficyjnaj supołki biełaruskaj dyjaspary, aktyŭna ŭdzielničała ŭ jaje žyćci. Pry hetym jana pieryjadyčna viartałasia ŭ Biełaruś, kab naviedać svajakoŭ.
Padčas adnaho z takich vizitaŭ žančynu i zatrymali. Zdaryłasia heta 27 krasavika 2023 hoda.
Halinu abvinavačvali pa art. 361-3 Kryminalnaha kodeksa — «udzieł abo padrychtoŭka da ŭdziełu na terytoryi zamiežnaj dziaržavy ŭ vajennych dziejańniach». 12 studzienia 2024 hoda sudździa Alena Ananič dała joj 5 hadoŭ pazbaŭleńnia voli ŭ kałonii va ŭmovach ahulnaha režymu.
Anarchist Akichira Hajeŭski-Chanada
Akichira Hajeŭski-Chanada —25 hadovy aktyvist anarchisckaha ruchu. Syn biełarusa Śviatasłava Hajeŭskaha, treniera pa karate, rodam sa Słucka. Maci Akichira — japonka Tamoka Chanada, pracavała sakratarom pa kultury japonskaj ambasady ŭ Biełarusi.
Chłopca zatrymali 12 žniŭnia 2020 hoda. Jaho abvinavačvali adrazu pa 13 artykułach Kryminalnaha kodeksa.
6 vieraśnia 2022 hoda byŭ vyniesieny prysud Akichiru: 16 hadoŭ kałonii va ŭmovach uzmocnienaha režymu i štraf u pamiery 700 bazavych vieličyniaŭ.
Paśla apielacyjnych skarhaŭ kančatkovy termin źniavoleńnia byŭ 15 hadoŭ i 9 miesiacaŭ kałonii va ŭmovach uzmocnienaha režymu.
Ciapier čytajuć
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»88
Kamientary