Padčas raskopak u Kreŭskim zamku vyjavili cikavuju asablivaść padmurka
Padčas archieałahičnych raskopak u Kreŭskim zamku, jakija pravodziacca pad kiraŭnictvam Aleha Dziarnoviča, navukoŭcy zrabili niečakanuju znachodku. U čas daśledavańnia reštkaŭ treciaj, raniej nieviadomaj viežy zamka, jany vyjavili, što jaje padmurak zrobleny nie tolki z kamieniu, ale i z draŭlanych elemientaŭ, paviedamlaje telehram-kanał Instytuta historyi NANB. Heta stała sapraŭdnaj siensacyjaj, bo mierkavałasia, što zamak całkam kamienny.
Akazałasia, što draŭlanyja kały byli zabityja ŭ ziamlu pad nachiłam, kab raŭnamierna raźmierkavać cisk ad muravanaha padmurka na vilhotnuju, bałotnuju hlebu. Hety inžynierny pryjom byŭ nieabchodny z-za asablivaściaŭ miascovaha hruntu.
Taksama pad padłohaj archieołahi znajšli vialikuju draŭlanuju belku daŭžynioj čatyry mietry. Na joj zachavalisia ślady pažaru 1433 hoda, kali kniaź Śvidryhajła sprabavaŭ uziać zamak šturmam.
Ciapier śpiecyjalisty abmiarkoŭvajuć, jak zachavać hetyja draŭlanyja kanstrukcyi i, mahčyma, pradstavić ich u budučym muziei Kreŭskaha zamka.
Daśledavańni na terytoryi zamka viaducca z 2017 hoda. U 2025 hodzie na restaŭracyju vydzielena amal 1,84 miljona rubloŭ.
Minski krajaznaviec raskazaŭ, jakim było Zamčyšča i čamu źnikła z karty stalicy
Na Zasłaŭskim zamku sprabujuć raskryć tajamnicu padziemnaha chodu
Pachavalnaja palityka Rurykavičaŭ. Dzie spačyli biełaruskija kniazi časoŭ Staražytnaj Rusi?
Archieołahi pačali raskopki na Zasłaŭskim zamku. U płanach — vyjavić vialikuju bramu
Kamientary