Dziaržaŭnaja drukarnia ŭ Babrujsku zapatrabavała prybrać simvał BCHD ź pieradvybarčaj ulotki kandydatki ŭ deputaty.
Dziaržaŭnaja drukarnia ŭ Babrujsku zapatrabavała prybrać simvał BCHD ź pieradvybarčaj ulotki kandydatki ŭ deputaty.
Napiaredadni miascovych vybaraŭ u kandydataŭ u deputaty ad apazicyi ŭźnikaje ŭsio bolš pieraškod. U Babrujsku kandydatkie ŭkazali na simvał BCHD — vałošku, i prapanavali prybrać, paličyŭšy «fašysckim znakam». U vyniku žančyna pahadziłasia, inakš druk mahli zaciahnuć ci naohuł spynić. A ŭ Breścim rajonie kandydatu, jaki ŭvachodzić u inicyjatyŭnuju hrupu pa stvareńni BCHD, naohuł admovili vyrablać ulotki.
— Abvinavačvańnie ŭ fašyźmie nie novaje dla dziejačaŭ nacyjanalnaha ruchu jašče z časoŭ Biełaruskaha narodnaha frontu, — skazaŭ «Salidarnaści» sustaršynia BCHD Pavieł Sieviaryniec, zapeŭniŭšy, što, niahledziačy na pieraškody, simvolika partyi budzie prysutničać u ahitacyjnaj pradukcyi ŭsich kandydataŭ ad BCHD. — Zaraz masa vypadkaŭ, kali drukavańnie ahitacyj paprostu zatrymlivajecca. Na siońniašni dzień tolki pałova kandydataŭ BCHD atrymała na ruki drukavanuju pradukcyju, šmat kamu pastajanna kažuć «zaŭtra‑zaŭtra‑zaŭtra, pačakajcie»… Šmat cisku na kandydataŭ z tym, kab jany źnialisia z vybaraŭ. Ale ŭsie 83 našy kandydaty praciahvajuć kampaniju.
Na dumku Sieviarynca, «usie hetyja vypadki śviedčać pra toje, što ŭłada sapraŭdy spałochałasia toj mocnaj kampanii, jakuju viadzie BCHD»:
— Zaraz u nas 83 kandydaty va ŭsich rehijonach Biełarusi. Hetyja ludzi viaduć svaju kampaniju ź impetam, šmat dzie ŭ hetym udzielničajuć i cerkvy. Naturalna, što taki chod spravaŭ nie ŭpisvaŭsia ŭ karcinu słabieńkaj apazicyi, jakaja ledź‑ledź vychodzić na vybary i kvołym hałaskom prosić libieralizacyi i čahości takoha.
Kamientary