Uładzimir Niaklajeŭ sustreŭsia ź biespracoŭnymi Salihorska.
Lider hramadzianskaj kampanii «Havary praŭdu», paet Uładzimir Niaklajeŭ, 9-ha krasavika sustreŭsia ź biespracoŭnymi Salihorska.
Mierapryjemstva, jakoje prajšło ŭ adnym z načnych kłubaŭ horada, nie vyznačałasia šmatludnaściu – akramia pradstaŭnikoŭ vyšejzhadanaj hramadzianskaj kampanii i žurnalistaŭ na im prysutničała ŭsiaho čatyry žychary Salihorska. Dziakujučy hetamu kožny z tych, chto pryjšoŭ na sustreču z U.Niaklajevym, zmoh vykazacca i paskardzicca na svaje prablemy.
Prablem u salihorcaŭ akazałasia šmat i ŭ vyniku sustreča z abmierkavańnia prablemy biespracoŭja pieratvaryłasia ŭ abmierkavańnie prablem biełaruskaj pravincyi ŭvohule. Prysutnyja vykazvalisia na samyja roznyja temy – ad karumpiravanaści miascovych uładaŭ, da zachapleńniaŭ moładzi narkotykami i ihravymi aŭtamatami.
Sustreča ŭ Salihorsku stała pieršaj u šerahu mierapryjemstvaŭ, zapłanavanych kampanijaj «Havary praŭdu» z metaj abmierkavańnia prablemy adsutnaści pracoŭnych miescaŭ. Płanujemyja sustrečy ŭžo navat majuć ahulnuju nazvu – «Sto tvaraŭ biespracoŭja».
«Nam nie dajuć sustrakacca, ale my starajemsia rabić heta štodnia. Siońnia stała viadoma, što BRSM raspačynaje akcyju «Zadaj pytańnie prezidentu», a heta faktyčna dublavańnie našaj kampanii «Havary praŭdu». Ułady pierachapili našu inicyjatyvu.Heta pieršaja pieramoha. Raniej z nami zmahalisia zabaraniajučy, a zaraz u ich nie zastałosia inšaha vyjścia jak tolki kapiravać našy kroki», – adznačyŭ U.Niaklajeŭ na sustrečy z salihorskimi biespracoŭnymi.
Spadar Niaklajeŭ taksama paviedamiŭ, što pieršy etap kampanii «Havary praŭdu» skončany. Zaraz raspačynajecca nastupny, hałoŭnaj metaj jakoha budzie damahčysia ad uładaŭ pryniaćcia Zakona ab małym i siarednim biznesie. Pavodle arhanizataraŭ sustrečy ŭ Salihorsku, mienavita hety zakon zdolny źmianić situacyju ź biespracoŭjem u krainie.
Što praŭda, salihorskija biespracoŭnyja ŭ hetym nie nastolki ŭpeŭnienyja. U pryvatnaści adzin z udzielnikaŭ sustrečy – Ryhor Kulik – asprečyŭ lubyja mahčymaści ŭździejańnia na biełaruskija ŭłady.
«Tolki źmiena režyma moža niešta vyrašyć u prablemie biespracoŭja», – pierakanany R.Kulik, jaki ŭžo šmat hadoŭ nie moža znajści pracu praz svaju hramadskuju aktyŭnaść.
Na zaviaršeńnie sustrečy U.Niaklajeŭ vykazaŭ upeŭnienaść u tym, što pradstaŭniki kampanii «Havary praŭdu» jašče naviedajuć Salihorsk i što nastupnyja sustrečy pryciahnuć bolš uvahi haradžan.
Ciapier čytajuć
Kaardynatara pošukavaha atrada «Anioł» pasadzili za palityku2
Kamientary