Kubrakoŭ, viarnuŭšysia ź sielektarnaj narady ŭ Łukašenki, zrazu ž sklikaŭ svaju — pa toj ža schiemie
Ministr unutranych spraŭ Ivan Kubrakoŭ śledam za Łukašenkam pravioŭ svaju sielektarnuju naradu, pryśviečanuju chodzie ŭboračnaj kampanii. U abmierkavańni hetaj nadzionnaj dla siłavikoŭ temy ŭdzielničali namieśniki ministra, kiraŭniki centralnaha aparata MUS, HUUS Minska i abłasnych UUS.
Padčas narady, jak paviedamlaje pres-słužba MUS, Ivan Kubrakoŭ davioŭ da padnačalenych zadačy, pastaŭlenyja Łukašenkam, a tasama daŭ šerah daručeńniaŭ siłavikam na miescach.
U Mahiloŭskaj vobłaści apieratyŭna ŭ hety samy dzień užo sfarmiravany atrad z supracoŭnikaŭ milicyi i vajskoŭcaŭ unutranych vojskaŭ, kab «arhanizavać dapamohu sielhaspradpryjemstvam».
Hety i inšyja atrady, jak zajaŭlena, buduć zajmacca baraćboj z kradziažami, pjanstvam i karupcyjaj.
Pa słovach Kubrakova, na takija fakty treba reahavać žorstka i prymać miery nieadkładna. Ale ludziej i nie kryŭdzić — kožnuju situacyju treba raźbirać asobna i ŭličvać čałaviečy faktar. Dakładna takija ž instrukcyi davaŭ siońnia i Łukašenka.
«Pažartavali z bulbaj u minułym hodzie — atrymali ad nasielnictva pa vušach». Łukašenka zaklikaŭ čynoŭnikaŭ da surjoznaści
Na naradzie ŭ Łukašenki publična pasvarylisia čynoŭniki. Jon nie viedaŭ, kaho padtrymać
Łukašenku dałažyli, što kambajny nie hatovyja da žniva ŭ kožnaj treciaj haspadarcy
Łukašenka zahadaŭ stroha pytacca za kožny skradzieny kałasok padčas žniva
Ciapier čytajuć
Chto ź biełarusaŭ trapiŭ na pryjom da prezidenta Polščy ŠMAT FOTA37
Kamientary